مرکزی وزیر میناکشی لیکھی نے مظاہرین کسانوں کوبتایا’موالی‘ ؛ کسان اورعوام میں شدید ناراضگی،گرمائی سیاست، استعفیٰ کا مطالبہ

Source: S.O. News Service | By I.G. Bhatkali | Published on 23rd July 2021, 12:50 AM | ملکی خبریں |

نئی دہلی، 22 جولائی (آئی این ایس انڈیا) زرعی قوانین کے خلاف احتجاج کررہے کسانوں کو لے کر مرکزی وزیر میناکشی لیکھی نے متنازعہ بیان دیتے ہوئے کسانوں کا موازنہ  موالیوں سے کردیا جس پر سیاست گرماگئی ہے اور احتجاجی کسانوں سمیت عوام میں بھی سخت ناراضگی ظاہر کی جارہی ہے۔ میناکشی لیکھی نے  موالی کہنے کے ساتھ ساتھ یہ بھی کہا  کہ کسان جس طرح احتجاج کررہے ہیں،  اس طرح احتجاج کرنا جرم ہے انہوں  نے  اپوزیشن پر الزام لگایا کہ وہ  ایسی چیزوں کو ہوا دے رہی ہے۔ لیکھی کے اس بیان  کی  کانگریس نے  سخت مخالفت کی ہے۔ اس نے لکھی کے استعفیٰ کا مطالبہ بھی کیا ہے۔

جمعرات کو میڈیا سے بات کرتے ہوئے میناکشی لیکھی نے کہا کہ وہ کسان نہیں، وہ موالی ہیں،  اور وہ لوگ جو کررہے ہیں   یہ سبھی مجرمانہ سرگرمیاں ہیں۔ 26 جنوری کو جو بھی ہوا وہ بھی شرمناک تھا، وہ مجرمانہ سرگرمیاں تھیں، اس میں حزب اختلاف کی طرف سے چیزوں کو ہوادی جارہی ہے۔زرعی قوانین کے خلاف احتجاج کررہے کسانوں سے پوچھے گئے سوال پر لیکھی نے یہ بیان دیا۔ انہوں نے صحافی سے کہا کہ آپ اسے دوبارہ کسان کہہ رہے ہیں، وہ موالی ہیں۔

اس بیان کے فورا بعد ہی حزب اختلاف نے لیکھی پر حملہ کردیا۔ دہلی میں چار بار ایم ایل اے رہے سینئر کانگریس لیڈر مکیش شرما نے لیکھی سے اپنے بیان پر معافی مانگنے کو کہا۔ انہوں نے ٹویٹ کیاکہ شرم کرو! میناکشی لیکھی جی! کاشتکار موالی نہیں بلکہ کھانا مہیا کرنے والے ہیں، اس لئے معافی مانگو یا استعفیٰ دو۔کسان لیڈر راکیش ٹکیت نے مرکزی وزیر میناکشی لیکھی کے بیان پر افسوس کا اظہار کیا۔ انہوں نے کہا کہ لیکھی کو ایسا بیان نہیں دینا چاہئے۔ ٹکیت نے کہا کہ زرعی قوانین کے خلاف مظاہرہ کرنے والے موالی نہیں کسان ہیں، کسانوں کے بارے میں ایسی بات نہیں کرنی چاہئے۔ 

ایک نظر اس پر بھی

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

اب وزیر اعلیٰ پینارائی وجین کی بیٹی کے خلاف ای ڈی نے درج کیا مقدمہ، جلد پوچھ تاچھ کا امکان

ایک طرف لوک سبھا انتخاب کی سرگرمیاں جاری ہیں، اور دوسری طرف مرکزی تفتیشی ایجنسیوں کے ذریعہ اپوزیشن لیڈران و ان کے رشتہ داروں کو بھیجے جانے والے سمن و پوچھ تاچھ سرخیاں بن رہی ہیں۔ ابھی دہلی کے وزیر اعلیٰ اروند کیجریوال کی گرفتاری پر ہنگامہ جاری ہے اور کے. کویتا بھی حراست میں ...

لوک سبھا انتخاب 2024: کانگریس نے امیدواروں کی آٹھویں فہرست جاری کی، 14 امیدواروں کے نام شامل

کانگریس نےلوک سبھا انتخاب کے پیش نظر اپنے امیدواروں کی آٹھویں فہرست جاری کر دی۔ اس فہرست میں کانگریس نے 14 امیدواروں کا اعلان کیا ہے جن کا تعلق اتر پردیش، تلنگانہ، مدھیہ پردیش اور جھارکھنڈ سے ہے۔ فہرست کے مطابق اتر پردیش و تلنگانہ کی 4-4 اور مدھیہ پردیش و جھارکھنڈ کی 3-3 لوک سبھا ...

پنجاب: ’بی جے پی میں شمولیت کے لیے پیسے کی پیشکش کی گئی‘، عآپ کے 3 اراکین اسمبلی کا دعویٰ

نجاب سے عام آدمی پارٹی (عآپ) کے تین اراکین اسمبلی نے بدھ کے روز دعویٰ کیا کہ انھیں بی جے پی میں شامل ہونے کے لیے پیسے دینے کی پیشکش کی گئی تھی۔ پنجاب سے عآپ کے واحد لوک سبھا رکن اور ایک رکن اسمبلی نے بدھ کے روز بی جے پی میں شمولیت اختیار کر لی، اس کے بعد عآپ کے ان تین اراکین ...