نئی دہلی،13فروری (آئی این ایس انڈیا)کرنا وائرس کے بڑھتے خوف کے درمیان جمعرات کو حکومت نے کہا کہ وہ اس بیماری کی روک تھام کے لئے پوری طرح تیار ہے۔مرکزی وزیر صحت ہرش وردھن نے کہا کہ پی ایم آفس سے لے کر پورے ملک کے چیف سکریٹری اور متعلقہ حکام کے ساتھ رابطہ بنا ہوا ہے۔ہرش وردھن نے بتایا کہ کرنا وائرس پر پی ایم مودی نے وزیر صحت کی سربراہی میں وزراء کا ایک گروپ بنایا ہے، جس کی میٹنگیں ہو رہی ہیں۔انہوں نے کہا کہ حکومت نے عالمی ادارہ صحت نے پہلے ہی اس بیماری کو لے کر تیاریاں شروع کر دی تھی۔سارے ایئرپورٹس پر اس کو لے کر انتظام کر دیئے گئے تھے۔

وزیر صحت ہرش وردھن نے کہا حکومت کے پاس جو معلومات کے مطابق چین کے اندر کرنا وائرس سے انفیکشن کے 48 ہزار 206 کیس سامنے آئے ہیں۔اس کی وجہ سے چین میں 1310 اموات ہوئی ہیں۔چین سے باہر اس بیماری کا وائرس 28 ممالک کے اندر پھیل چکا ہے۔انہوں نے بتایا کہ چین کے باہر دنیا میں دو اموات ہوئی ہیں۔ایک ہانگ کانگ اور ایک فلپائن میں ہوئے ہیں۔چین سے باہر کرونا کے مثبت کیس 570 پائے ہیں۔مرکزی وزیر صحت ہرش وردھن نے کہا کہ تمام ریاستوں کو 17 جنوری کو ہی ایڈوائزری جاری کر دی گئی تھی۔اس کے بعد سے حکومت مسلسل ریاستی حکومتوں کے رابطے میں ہیں۔