ایم سی ڈی انتخابات: عام آدمی پارٹی رکن اسمبلی کو کارکنان نے دوڑا دیا، بھاگ کر بچائی جان، ٹکٹ فروخت کرنے کا الزام

Source: S.O. News Service | Published on 22nd November 2022, 11:31 AM | ملکی خبریں |

نئی دہلی، 22؍نومبر (ایس او نیوز؍ایجنسی)  دہلی میں ایم سی ڈی انتخابی جنگ میں ٹکٹوں کی فروخت کے الزامات کے درمیان عام آدمی پارٹی اور اس کے ایم ایل ایز کو ہر روز پریشانی کا سامنا کرنا پڑ رہا ہے۔ اب عام آدمی پارٹی کے ایم ایل اے گلاب سنگھ یادو پر ایم سی ڈی انتخابات میں ٹکٹ بیچنے کا الزام لگا ہے۔ ناراض پارٹی کارکنوں نے ان کی پٹائی کی۔ مار پیٹ کی ایک ویڈیو سوشل میڈیا پر بھی وائرل ہو رہی ہے۔

بتایا جا رہا ہے کہ یہ سارا معاملہ پیر کی رات تقریباً 8 بجے کا ہے۔ ایم ایل اے گلاب سنگھ یادو شیام وہار میں اپنے کارکنوں کے ساتھ میٹنگ کر رہے تھے۔ اس دوران یہ واقعہ پیش آیا۔ کارکنوں نے ایم ایل اے پر ٹکٹ بیچنے کا الزام لگایا اور انہیں مارنا شروع کر دیا۔ ایسے میں ایم ایل اے کو میٹنگ چھوڑ کر بھاگنا پڑا۔

وائرل ہونے والی ویڈیو میں دیکھا جا سکتا ہے کہ ایم ایل اے گلاب سنگھ یادو خود کو بچانے کے لیے جلسہ گاہ سے بھاگ رہے ہیں۔ اسی دوران کچھ لوگ ان کا تعاقب کرتے نظر آئے۔ پورے واقعہ کی ویڈیو شیئر کرتے ہوئے بی جے پی نے عام آدمی پارٹی پر ٹکٹ بیچنے کا الزام لگایا۔

بی جے پی نے کہا کہ 'ایماندارانہ سیاست' کے ڈرامے میں ملوث پارٹی کا یہ بے مثال منظر ہے۔ 'عآپ' کی کرپشن ایسی ہے کہ 'عآپ' کے ارکان بھی اپنے ایم ایل اے کو نہیں بخش رہے ہیں۔ دہلی بی جے پی نے کہا کہ عام آدمی پارٹی کے ایم ایل اے گلاب سنگھ یادو کا ٹکٹ بیچنے کے الزام میں عام آدمی پارٹی کے کارکنوں نے تعاقب کیا اور دوڑا دوڑا کر پیٹا۔

وہیں ایم ایل اے گلاب یادو نے اس واقعہ پر ٹوئٹ کر کے بی جے پی کو نشانہ بنایا۔ انہوں نے کہا، ’’بی جے پی بوکھلا گئی ہے اور ٹکٹ بیچنے کے بے بنیاد الزامات لگا رہی ہے۔ اس وقت میں چھاولہ تھانے میں ہوں، میں نے دیکھا ہے کہ اس وارڈ سے بی جے پی کے کارپوریٹر اور بی جے پی کے امیدوار ان لوگوں کو بچانے کے لیے تھانے میں موجود ہیں۔ اس سے بڑا ثبوت کیا ہو سکتا ہے۔ میڈیا یہاں موجود ہے، بی جے پی سے پوچھنا چاہیے۔‘‘

ایک نظر اس پر بھی

راہل گاندھی کی بھارت جوڑو یاترا اندور سے برولی پہنچی

 کانگریس کے سابق صدر راہل گاندھی کی بھارت جوڑو یاترا چھٹے دن آج صبح اندور سے مدھیہ پردیش کے برولی گاؤں کی طرف روانہ ہوئی۔ ان کے ساتھ کانگریس کے درجنوں سینئر رہنما اورافسران کے علاوہ ہزاروں کارکنان بھی موجود ہیں۔

مہاراشٹر میں ریلوے فٹ اوور برڈج کاحصہ گرپڑا 20افراد سے زیادہ زخمی،8کی حالت تشویشناک

) مہاراشٹر کے چندر پور میں بلارشاہ ریلوے اسٹیشن پر فٹ اوور برڈج کا ایک حصہ گرنے سے ایک بڑا حادثہ پیش آیا- کئی مسافر تقریباً 60فٹ کی بلندی سے پٹری پر پل سے گر گئے- حادثے میں 20مسافر زخمی ہو گئے-8 افراد کی حالت تشویشناک بتائی جاتی ہے-

گجرات کے نوجوان نوکریاں دینے کے جھانسے کو سمجھ چکے ہیں: ملکارجن کھرگے

کانگریس کے صدر ملکارجن کھڑگے نے اتوار کے روز بھارتیہ جنتا پارٹی (بی جے پی) پر نوجوانوں کو روزگار فراہم کرنے کے نام پر صرف جھانسہ دینے کا الزام لگاتے ہوئے کہا کہ گجرات کے نوجوان اس کی اصلیت کو سمجھ چکے ہیں اور اسمبلی انتخابات میں بی جے پی کو اس کا مناسب جواب ملے گا۔

راہل گاندھی نے 'بھارت جوڑو یاترا' میں چلائی بلیٹ موٹر سائیکل، پدیاترا میں انہیں دیکھنے کے لیے امڈا جم غفیر

مدھیہ پردیش میں کانگریس کی 'بھارت جوڑو یاترا' جاری ہے۔ پدیاترا میں کافی بھیڑ جمع ہو رہی ہے۔ روزانہ ہزاروں کی تعداد میں لوگ پد یاترا میں شامل ہو رہے ہیں۔ راہل گاندھی کو آج 'بھارت جوڑو یاترا' کے دوران بلٹ موٹر سائیکل چلاتے ہوئے دیکھا گیا۔ اس جی تصاویر اور ویڈیوز منظر عام پر آگئی ...

مدھیہ پردیش کی شیوراج سنگھ حکومت عوام کو دے رہی ’انتخابی دھوکہ‘:میناکشی نٹراجن

حال ہی میں صدر دروپدی مرمو نے مدھیہ پردیش میں دو دن کا قیام کیا۔ ریاستی حکومت کی طرف سے شہڈول ضلع کے لال پور میں برسا منڈا جینتی کے موقع پر منعقدہ ’آدیواسی گورو دیوس‘ میں مدھیہ پردیش 'پی ای ایس اے' اصول کے باضابطہ نفاذ کا اعلان کیا گیا۔