حکومت ریزرویشن کو نویں شیڈیول میں شامل کرے: مایاوتی

Source: S.O. News Service | Published on 17th February 2020, 12:17 AM | ملکی خبریں |

نئی دہلی،16/فروری (ایس او نیوز/ایجنسی) بہوجن سماج پارٹی (بی ایس پی) کی صدر مایاوتی نے درج فہرست ذات و قبائل اور دیگر پسماندہ طبقوں (ایس سی، ایس ٹی، اوبی سی) کے لئے ریزرویشن کی سہولت کو آئین کی نویں شیڈیول میں شامل کرنے کا مطالبہ کرتے ہوئے اتوار کو کہا کہ اس سے ان طبقوں کو تحفظ مل سکے گا۔

مایاوتی نے ایک سلسلے وار ٹوئت میں کہا کہ کانگریس کے بعد اب بھارتیہ جنتاپارٹی اور ان کی مرکزی حکومت کے مسلسل نظرانداز کرنے کے رویہ کی وجہ سے صدیوں سے پسماندہ ایس سی، ایس ٹی اور او بی سی طبقے کے مظلوم-متاثرین کو ریزرویشن کے ذریعہ سے ملک کے مرکزی دھارے میں لانے کی مثبت آئینی کوشش ناکام ہو رہی ہے۔ یہ بےحد حساس اور بدقسمتی کی بات ہے۔

انہوں نے کہا کہ ’’ایسے میں مرکزی حکومت سے پھر مطالبہ ہے کہ وہ ریزرویشن کے مثبت انتظام کو آئین کے نویں شیڈیول میں لاکر اس کو تحفظ تب تک مہیا کریں جب تک کے محروم اور مظلوم کروڑوں لوگ ملک کے مرکزی دھارے میں شامل نہیں ہو جاتے، جو ریزرویشن کی صحیح آئینی منشا ہے۔‘‘

بی ایس پی لیڈر نے الزام لگایا کہ مرکز کے ایسے غلط رویہ کی وجہ سے ہی عدالت نے سرکاری نوکری اور عہدے میں ترقی میں ریزرویشن کے انتظام کو جس طرح سے غیر فعال اور غیر مؤثر بنا دیا ہے اس سے پورا سماج مشتعل اور ناراض ہے۔ ملک میں غریبوں، نوجوانوں، خواتین اور دیگر محروموں کے حقوق پر مسلسل شدید حملے ہو رہے ہیں۔

ایک نظر اس پر بھی

کشمیر: فور جی موبائل انٹرنیٹ سروس پر جاری پابندی طلباء کے مستقبل پر لٹکتی تلوار

عالمی سطح پر پھیلنے والے کورونا وائرس کے خطرات و خدشات کے باعث گھروں میں ہی محصور اور قریب آٹھ ماہ سے فور جی انٹرنیٹ خدمات سے محروم وادی کے طلبا کو اپنا تعلیمی مستقبل تاریک ہی نہیں بلکہ خطرے میں نظر آرہا ہے۔