اترپردیش مدرسہ ایجوکیشن بورڈ کا فیصلہ مدارس میں اب ریاضی، تاریخ اور سائنس پڑھانا لازمی

Source: S.O. News Service | Published on 14th October 2021, 10:59 AM | ملکی خبریں | ان خبروں کو پڑھنا مت بھولئے |

لکھنؤ،14؍اکتوبر(ایس او نیوز؍ایجنسی)اتر پردیش میں سرکاری منظوری والے مدارس کے طلبا کو آئندہ تعلیمی سیشن سے این سی ای آر ٹی نصاب کے مطابق لازمی موضوعات کی شکل میں ریاضی، تاریخ، سائنس اور سماجیات کی بھی تعلیم دی جائے گی۔ یو پی بورڈ آف مدرسہ ایجوکیشن نے مدرسہ ایجوکیشن کو دیگر اسکولوں کی تعلیم کے ساتھ یکساں لانے کیلئے یہ فیصلہ لیا ہے۔

یو پی بورڈ آف مدرسہ ایجوکیشن نے بتایا کہ یہ موضوعات فی الحال متبادل ہیں، لیکن اب سے طلبا کو ان موضوعات کو سی بی ایس ای کے ذریعہ استعمال کیے جانے والے نصاب پر سینئر سیکنڈری سطح تک پڑھایا جائے گا۔ اس کے علاوہ بورڈ نے 25 / اکتوبر سے 30 /اکتوبر تک کامل (گریجویشن) اور فاضل (پوسٹ گریجویشن)کے طلبا کے آخری سال کے امتحان آف لائن منعقد کرنے کا بھی فیصلہ لیا ہے۔

نوتشکیل یو پی بورڈ آف مدرسہ ایجوکیشن کے رجسٹرار آر پی سنگھ کے مطابق موجودہ وقت کی بنیادی ضرورتوں کو پورا کرنے کیلئے نصاب میں جدید موضوعات کو شامل کرنے کا مطالبہ بار بار ہو رہا تھا۔ سبھی طلبا کو شروعات سے لے کر سینئر سیکنڈری سطح تک یہ سبجیکٹ اب سی بی ایس ای نصاب اور این سی ای آر ٹی کی کتابوں سے پڑھائے جائیں گے۔ آر پی سنگھ نے بتایا کہ تیسرے سال کے کامل (گریجویٹ)طلبا اور دوسرے سال کے فاضل (پوسٹ گریجویٹ)طلبا کا امتحان، جن کی تعداد تقریباً 14 ہزار سے 15 ہزار ہے، کووڈ پروٹوکول کے درمیان آف لائن موڈ میں منعقد کی جائے گی، جس میں سماجی فاصلہ، صاف صفائی اور ماسک پہننا شامل ہے۔

یو پی بورڈ آف مدرسہ ایجوکیشن نے دستاویز ڈجیٹلائزیشن، پاسپورٹ سرٹیفکیشن اور دیگر ڈجیٹل امور کیلئے مقرر آئی ٹی سیل کے قیام کا بھی فیصلہ لیا ہے۔ جلد از جلد ایک نصاب کمیٹی، الحاق کمیٹی، امتحان کمیٹی اور ریزلٹ کمیٹی کی تشکیل کا فیصلہ بھی لیا گیا ہے۔ 2017 میں بورڈ نے مدرسہ نصاب میں اصلاح کے علاوہ اردو میں جدید اور معیاری این سی ای آر ٹی کتابوں کو پیش کرنے کا فیصلہ لیا تھا اور بدلاؤ-19 2018کے تعلیمی سیشن سے شامل کیے گئے تھے۔ قابل ذکر ہے کہ اتر پردیش میں تقریباً 16 ہزار مدارس ہیں۔

ایک نظر اس پر بھی

سپریم کورٹ نے مرکزی حکومت سے سینٹرل وسٹا پروجیکٹ پر جواب طلب کیا

سپریم کورٹ نے ہزاروں کروڑ روپے کے سینٹرل وسٹا پروجیکٹ پر سوال اٹھانے والی عرضی پر پیر کو مرکزی حکومت سے جواب طلب کیا۔ جسٹس اے۔ ایم کھانولکر اور جسٹس سی ٹی روی کمار کی بنچ نے سماجی کارکن راجیو سوری کی درخواست پر مرکزی حکومت سے جواب طلب کیا ہے۔

جموں و کشمیر کو جلد ہی مکمل ریاست کا درجہ ملنا چاہیے:ادھیررنجن چودھری

کانگریس لیڈر ادھیر رنجن چودھری نے ہفتہ کو جموں و کشمیر میں سیاسی نظم و ضبط کی بحالی کا مطالبہ کیا اور جموں و کشمیر کو ریاست کا درجہ بحال کرنے کا مطالبہ کیا تاکہ جلد سے جلد اسمبلی انتخابات کرائے جا سکیں۔

اننیا پانڈے این سی بی کے سامنے پیش نہیں ہوئیں

بالی ووڈ اداکارہ اننیا پانڈے منشیات سے متعلق کیس میں گرفتار آرین خان کے ساتھ مبینہ واٹس ایپ چیٹ کے سلسلے میں پوچھ گچھ کے لیے پیر کو یہاں نارکوٹکس کنٹرول بیورو (این سی بی) کے سامنے پیش نہیں ہوئیں۔

منگلورو:  اُروا پولس تھانہ سب انسپکٹر اور ہیڈ کانسٹبل معطل : دستاویزات پر غیر قانونی طور پر دستخط لینے کا الزام

اپنے فرائض کی انجام دہی  کے دوران  کوتاہی برتنے کے الزام میں منگلورو سٹی پولس کمشنر این ششی کمار نے اُروا پولس تھانے کی  سب انسپکٹر شری کلا اور ہیڈ کانسٹبل پرمود کو معطل کردیا ہے۔

شاہ رخ خان بی جے پی میں شامل ہو تے ہی منشیات چینی بن جائے گی .این سی پی نےبی جے پی پرسادھا نشانہ،پوچھا ؛ گجرات بندرگاہ کے ڈرگس پرکیا کارروائی ہوئی؟

منشیات کے الزام میں جیل میں بند شاہ رُخ خان کے بیٹے آرین خان کے معاملے کو لے کر مہاراشٹرا کے وزیر چھگن بھجبل نے  بی جے پی پرسخت وار  کرتے ہوئے کہا کہ   اگر مشہور اداکار شاہ رُخ خان  زعفرانی پارٹی میں شامل ہو جاتے ہیں  تو منشیات چینی بن جائے گی۔

انکولہ : ہندوشمشان بھومی اتی کرم معاملہ کو لے کرمکینوں نے کیا احتجاج، کہا؛ مکینوں کو نکالا گیاتو کرلیں گے خودکشی

نکولہ میونسپالٹی حدود کی  شمشان زمین پر اتی کرم معاملےمیں نوٹس جاری کئے جانےکی سخت مذمت کرتےہوئے کوٹے واڑا کے مکینوں نے سنیچر کی شام اچانک احتجاجی دھرنا پر بیٹھ گئے اور اتی کرم کے نام پر  گھروں کو ڈھانےکی کوشش کرنے پر خود کشی کرلینےکا انتباہ  دے دیا۔