کرناٹک میں ریاضی کے امتحانات دو مرحلوں میں منعقد کرنے کا مطالبہ
بنگلورو،31؍اکتوبر(ایس او نیوز) مرکزی بورڈ برائے ثانوی تعلیم (سی بی ایس ای) کے نظام سے استفادہ کر تے ہوئے، جو ریاضی کے امتحانات کو دو مرحلوں میں منعقد کرنے کا منصوبہ رکھتا ہے، کرناٹک کی خانگی اسکولوں کی طرف سے بھی ریاستی حکومت سے یہ مطالبہ کیا جا رہا ہے کہ وہ ریاستی نصاب والی اسکولوں میں اسی نظام کو نافذ کرے-خانگی اسکولوں کی انجمن نے ریاستی حکومت سے مطالبہ کیا ہے کہ کرناٹک ثانوی تعلیم امتحانات بورڈ (کے ایس ای ای بی) کی طرف سے بھی طلباء کو اس بات کا موقع دیا جائے کہ وہ مشکلات کی مختلف سطحوں کے دو امتحانی پرچوں کا انتخاب کر سکیں،انجمن کے ایک رکن نے کہا کہ اس کی وجہ سے بڑی حد تک بچوں پر دباؤ میں کمی واقع ہوگی-خانگی اسکولوں کی انجمن نے محکمہ تعلیم سے مطالبہ کیا ہے کہ اس نظریہ کو تعلیمی سال 2020-2021میں جاری کیا جائے- انجمن کے ارکلان کا کہنا ہے کہ ”حکومت کی طرف سے اس کی سہولت فراہم کی جانی چاہئے کہ طلباء کو اپنی سہولت کے مطابق اور آگے کی تعلیم اور روز گار سے متعلق ان کے خیالات کی بنیاد پر امتحانی پرچوں کا وہ انتخاب کر سکیں“-