بنگلورو،26؍فروری (ایس او نیوز؍ایجنسی) چیف منسٹر بسواراج بومئی نے کہا کہ بنگلورو کے تمام علاقوں کی یکساں ترقی کے لیے ماسٹر پلان تیار کیا جائے گا۔شہر میں 250 بستروں کے ملٹی اسپیشیالٹی دواخانہ، فلائی اوور،150فٹ چوڑی سڑک اور پولیس اسٹیشن سمیت مختلف ترقیاتی پراجکٹس کے آغاز کے بعد چیف منسٹر نے یہ بات کہی۔

 بومئی نے کہا کہ بنگلورو کی منصوبہ بند ترقی کی صورت میں ہی عوام کو تمام شہری سہولتیں فراہم کی جاسکتی ہیں۔ باہمی ارتابط اور تال میل کے ساتھ ترقی فراہم کرتے ہوئے بنگلورو، شہر کے سات سابق سٹی میونسپل کونسل علاقوں اور 110مواضعات کے لیے بنیادی ڈھانچہ تعمیر کرنے کی ضرورت ہے۔

تمام علاقوں کے لیے بنیادی ڈھانچہ اور سہولتوں کی یکساں سطح کو یقینی بنانے پورے عزم کے ساتھ ماسٹر پلان تیار کیا جارہاہے۔“ ناگاروتنا اسکیم کے تحت بنگلورو کی ترقی کے لیے 6ہزار رکروڑ روپئے فراہم کیے گئے۔

برساتی نالوں کو 1500 کروڑ کی لاگت سے ری ماڈل کیا جارہا ہے۔ صفائی شدہ پانی کی ہی نالوں میں نکاسی کو یقینی بنانے 20سے زائد سیوج ٹریٹمنٹ پلانٹس کی مناسب کارکردگی ضروری ہے۔ اس ضمن میں ہدایات دی جاچکی ہیں۔