بھٹکل :منی پال کستوربا صحت کارڈ میں نئی خدمات شامل : ہوناور میں 14 جولائی کو ہوگا مفت ہیلتھ چیک آپ کیمپ؛ بھٹکل کے عوام بھی ہوسکتےہیں شریک

Source: S.O. News Service | By Abu Aisha | Published on 10th July 2019, 9:10 PM | ساحلی خبریں | ان خبروں کو پڑھنا مت بھولئے |

بھٹکل:10؍جولائی  (ایس اؤ نیوز)  منی پال کستوربا اسپتال کے زیرا ہتمام 14جولائی کو انڈین میڈیکل اسوسی ایشن ، روٹری کلب، لائنس کلب، جی ایس بی یوتھ ونگ اور وومنس ونگ ، ہوناور ٹمپو ڈرائیور مالکان سنگھ ، فارمیسی  سنگھ اور آٹو مالکان سنگھ کے اشتراک کے ساتھ ہوناور کے مارتھوما انگلش میڈیم اسکول میں مفت ہیلتھ چیک آپ کیمپ منعقد کیا گیا ہے۔ کیمپ صبح نو بجے شروع ہوگا اور دوپہر ایک بجے تک جاری رہے گا۔ اس بات کی اطلاع   کے ایم سی مارکٹنگ شعبہ کے ذمہ دار مسٹر روی کرن پائی نے دی۔ 

بھٹکل کےایک نجی اسپتال میں منعقدہ پریس کانفرنس میں جانکاری دیتے ہوئے  مسٹر روی کرن نے بتایا کہ  اس کیمپ میں  دل کے مریض، اعصاب و رگوں ، عام امراض ، مثانہ ، گردے ، ریڈیوتھراپی  اور کینسر ،کان ، ناک ، حلق ، جِلد، بچوں کے ماہرین شریک ہوں گے اور اپنے فرائض انجام دیں گے۔ کیمپ میں مفت میں ای سی جی ، خون میں شوگر ، بی پی وغیرہ کی جانچ کی جائے گی۔ منتظمین نے ہوناور کے ساتھ ساتھ اطراف کے علاقوں یہاں تک کہ بھٹکل کے  عوام الناس سے بھی اس  کیمپ سے استفادہ کرنےکی اپیل کی ہے۔

منی پال  کستوربا اسپتال (کے ایم سی اسپتال)   کے تعلق سے جانکاری دیتے ہوئے رون کرن نے بتایا کہ  کے ایم سی کی طرف سے صحت کارڈ گذشتہ 19 سالوں سے جاری ہے۔ امسال عوام کے لئے کئی نئی امدادی اسکیم بھی جاری کی گئی ہے۔

 انہوں نے بتایا کہ دوسال کی مدت والے کارڈ کو شروع کرنے کے علاوہ منی پال گو ۔ ا سپتال  کو صحت کارڈ میں شامل کیاگیا ہے۔ اس مرتبہ خاندانی منصوبہ جاری کیاگیاہے، کارڈ والا، اس کی بیوی ، 25برس سے کم عمروالے بچے اور والدین ،ساس،سسر کارڈ سے استفادہ کرسکتےہیں کارڈ کی ممبر شپ فیس 650 روپئے ہے۔ دوسال کے لئے 850روپئے طئے کی گئی ہے۔ صحت کارڈ کے تحت معمر وں کے لئے 50فی صد، لیباریٹری جانچ میں 30فی صد، سی ٹی ، ایم آر آئی ، الٹرا ساؤنڈ، باہر کی جانچوں میں 20فی صد ، جنرل وارڈ اندرونی مریضوں کے لئے 25فی صد، دوائیوں میں 12فی صد رعایت دی جائے گی ۔ دوسالوں میں کارڈ کا جتنی بار چاہے اتنی بار استعمال کرسکتے ہیں۔

سال 2019میں رجسٹر یشن کے لئے عوام سینٹ ملاگریس سوہاردا بھٹکل 9538894590گوری شنکر موگیر 8722540496اور مرڈیشور میں 9538020303شرالی میں 8277099156پر رابطہ کرنے کی اپیل کی گئی ہے۔ پریس کانفرنس میں شری نواس بھاگوات، تلسی داس دیواڑیگا، راجیندرنائک وغیرہ موجود تھے۔

ایک نظر اس پر بھی

انجمن ِ اسلام اور اترکنڑامسلم تنظیموں کی جانب سے ہبلی میں حج بھون تعمیرکا مطالبہ : میمورنڈم

ریاست کرناٹکا کے 9اضلاع پر مشتمل شمالی کرناٹکا کے لئے ہبلی میں حج بھون تعمیر کا مطالبہ لےکر دھارواڑ ضلع انجمن ِ اسلام کے ممبران سمیت دیگر مسلم تنظیموں کے عہدیداران نے اترکنڑا ضلع انتظامیہ کی جانب سے اترکنڑا ضلع اپر ڈپٹی کمشنر ناگراج سنگریر کو میمورنڈم سونپا۔

اُترکنڑا میں صبح سے زبردست بارش؛ سداپور میں چلتی بائک پر درخت گرنے سے فوریسٹ آفسر ہلاک؛ انکولہ میں ریلوے پٹری پر چٹان کھسکنے سے کچھ گھنٹوں کے لئے سروس متاثر

اُترکنڑا میں ضلعی انتظامیہ کی جانب سے ریڈ الرٹ جاری کرنے کے بعد آج منگل کو صبح چھ بجے سے صبح آٹھ بجے تک زبردست بارش ہوئی جس کے نتیجے میں بعض علاقوں سے نقصانات کی بھی خبریں آرہی ہیں۔  بارش  کے تیز تیور دیکھتے ہی   ڈپٹی کمشنر نے  صبح اسکول کھلنے سے قبل ہی تمام اسکولوں اور ...

منگلورو۔بنگلوروٹریک پرچٹان توڑنے کا کام مسلسل جاری۔ دن کے وقت چلنے والی ریل گاڑیاں 24جولائی تک کے لئے منسوخ

انی بندا کے قریب سبرامنیا سکلیشپور ریلوے ٹریک پر ایک بڑی چٹان لڑھکنے کا خطرہ پیدا ہوگیا تھا۔ اس حادثے کو روکنے کے لئے پہاڑی تودے کو دھماکے سے توڑنے کاکام پچھلے دو تین دن سے جاری ہے جس کے لئے ہیٹاچی مشین کے کامپریسر اور بارود کا استعمال کیا جارہا ہے۔ لیکن تیز برسات کی وجہ سے دن ...

منگلورومیں بارش کا قہر۔ چٹانیں کھسکنے، درخت اور بجلی کے کھمبے اکھڑنے سے مکانات اور موٹر گاڑیوں کو پہنچا نقصان۔ ضلع انتظامیہ نے جاری کیا ریڈ الرٹ

پچھلے چار پانچ دنوں سے ضلع شمالی کینرا میں جاری تیز بارش کی وجہ سے بھاری نقصانات کی خبریں مل رہی ہیں۔ چونکہ محکمہ موسمیات نے 27جولائی تک تیز بارش کا سلسلہ جاری رہنے کی پیشین گوئی کی ہے اس لئے ضلع انتظامیہ نے ریڈالرٹ جاری کیا ہے۔

ساحلی کرناٹکا میں موسلادھار بارش کا سلسلہ جاری؛ اُترکنڑا میں ریڈ الرٹ؛ ساگرروڈ پر غیر قانونی باکڑوں کو نہ ہٹانے کے پیچھے کیا راز ؟ مینگلور اور اُڈپی میں منگل کو اسکولوں اور کالجوں میں چھٹی

ساحلی کرناٹکا بشمول اُتر کنڑا، اُڈپی اور دکشن کنڑا میں  اتوار سے  جاری زوردار بارش کا سلسلہ آج پیر کو بھی جاری رہا جس سے  کئی علاقوں میں راستے تالاب میں تبدیل ہوگئے،  اس درمیان  محکمہ موسمیات کی جانب سے  بتایا گیا ہے کہ  کل اتوار کو بھٹکل میں جو زبردست بارش ہوئی، اُس کی ...

مودی حکومت نے لوک سبھا میں ’آر ٹی آئی‘ ختم کرنے والا بل پیش کیا: کانگریس

  کانگریس نے الزام لگایا ہے کہ ’کم از کم گورنمنٹ اور زیادہ سے زیادہ گورننس‘ کی بات کرنے والی مرکزی حکومت لوگوں کے اطلاعات کے حق کے تحت حاصل حقوق کو چھین رہی ہے اور اس قانون کو ختم کرنے کی کوشش کررہی ہے۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

بھٹکل میں 27 اور 28 جولائی کو ہوگا؛ فری ہارٹ چیک آپ کیمپ؛ کالی کٹ سے مشہوراورماہرامراض قلب ڈاکٹر علی فیضل کی ہوگی شرکت

کالی کٹ کے معروف میترا اسپتال اور بھٹکل  کے معروف ویلفئیر اسپتال کے اشتراک سے مورخہ 27 اور28 جولائی کو بھٹکل میں مفت ہارٹ چک اپ کیمپ کا انعقاد کیاجارہاہے جس میں ملک کے مشہور کارڈیالوجسٹ اور میترا اسپتال کے  ڈائرکٹر اینڈ چیف آف کلینکل سروس   ڈاکٹر علی فیضل  شرکت کریں گے۔اس ...