لیبیا : داعش کے ہاتھوں قتل ہونے والے 34 مسیحی ایتھوپیائی باشندوں کی باقیات

Source: S.O. News Service | By Shahid Mukhtesar | Published on 26th December 2018, 11:52 AM | عالمی خبریں |

طرابلس 26دسمبر ( ایس او نیوز؍آئی این ایس انڈیا ) لیبیا میں حکام نے بتایا ہے کہ انہوں نے ایتھوپیا سے تعلق رکھنے والے اْن 34 مسیحیوں کی لاشیں نکال لی ہیں جن کو داعش تنظیم کے ارکان نے 2015 میں سرت شہر میں گردنیں کاٹ کر موت کی نیند سلا دیا تھا۔لیبیا میں قومی وفاق کی حکومت کی وزارت داخلہ کے ذیلی متعلقہ ادارے نے پیر کے روز فیس بک پر ایک پوسٹ میں بتایا کہ مذکورہ افراد کے اجتماعی مقبرے کا انکشاف داعش تنظیم کے زیر حراست ارکان کے ساتھ تحقیقات کے نتیجے میں سامنے آیا۔داعش تنظیم نے اپریل 2015 میں ایتھوپیا سے تعلق رکھنے والے 30 سے زیادہ مسیحی باشندوں کو گردن کاٹ کر اور فائرنگ کا نشانہ بنا کر موت کے گھاٹ اتار دیا تھا۔ اس لیے کہ انہوں نے نام نہا د جزیہ ادا کرنے یا داعش کے مفروضہ مذہب ’اسلام‘ قبول کرنے سے انکار کر دیا تھا۔ داعش نے اْس وقت اس واقعے کی وڈیو بھی جاری کی تھی۔لیبیا میں حکام کا کہنا ہے کہ جس جگہ سے یہ لاشیں برآمد ہوئی ہیں وہ شرت شہر میں واقع ہے۔ علاوہ ازیں ان لاشوں کو قانونی اقدامات کے مکمل کیے جانے تک محفوظ رکھا جائے گا اور اس کے بعد ان کے وطن کے حوالے کر دیا جائے گا۔

ایک نظر اس پر بھی

اپنی حماقتوں سے ترکی کی معیشت کو تباہ نہ کریں: ٹرمپ کا ایردوآن کو انتباہ

وائٹ ہاؤس کےمطابق امریکی صدر ڈونلڈ ٹرمپ کی طرف سے اپنے ترک ہم منصب رجب طیب اردوآن کو 9 اکتوبر کو ایک مکتوب بھیجا گیا تھا جس میں انہیں شمالی شام میں کردوں کے خلاف فوجی آپریشن شروع کرنے کے فیصلے سے باز آنے کو کہا گیا تھا۔ اس مکتوب میں صدر ٹرمپ نے ایردوآن کو خبر دار کیا تھا کہ شام ...

امریکی ایوان نمائندگان کی شام سے فوج واپس بلائے جانے کی شدید مذمت

امریکی ایوان نمائندگان نے صدر ڈونلڈ ٹرمپ کے شمالی شام سے امریکی فوجیوں کے انخلاء کے فیصلے کی مذمت کی ہے۔ گذشتہ روز ایوان میں شام سے امریکی فوج کی واپسی کے حوالے سے ایک قرار داد پر رائے شماری کی گئی جس میں ارکان کی اکثریت نے اس فیصلے کی مخالفت میں ووٹ ڈالا۔

فلپائن میں زلزلہ، مہلوکین کی تعداد پانچ 

فلپائن کے جنوبی حصے میں زلزلے کے نتیجے میں ہلاک ہونے والوں کی تعداد بڑھ کر پانچ ہو گئی ہے۔ بدھ کی رات آنے والی اس قدرتی آفت کی وجہ سے درجنوں افراد زخمی ہوئے جبکہ کئی عمارتوں کو بھی نقصان پہنچا۔