بھٹکل،26؍اگست (ایس او نیوز) بھٹکل ٹاؤن پولیس اسٹیشن میں درج کی گئی ایک شکایت کے مطابق موسیٰ نگر سے ایک شادی شدہ خاتون 29جولائی سے لاپتہ ہوگئی ہے اور کافی تلاش کے بعد بھی اس کا پتہ نہیں چل سکا ہے۔

گم شدہ خاتون کے والدہ شبانہ انور شیخ کی جانب سے پولیس کے پاس درج کی گئی شکایت میں کہا گیا ہے کہ فرحانہ بناس انفال سوپر مارکیٹ کے پاس واقع اپنے شوہر عمران کے گھر سے اچانک لاپتہ ہوگئی ہے۔ شوہر اور اس کے والدین نے ہر جگہ اس کو تلاش کرنے کی کوشش کی مگر اب تک اس کے بارے میں کوئی خبر نہیں ملی ہے۔ اس لئے عوام سے گزارش کی گئی ہے کہ اگر اس گم شدہ خاتون کے تعلق سے کسی کو کچھ پتہ چلے تو بھٹکل ٹاؤن پولیس اسٹیشن فون نمبر 08385/226333پر اس کی اطلاع دیں۔