کولکاتہ، 14 جولائی(ایس او نیوز/آئی این ایس انڈیا)مغربی بنگال کے دارالحکومت کولکاتہ میں ہفتہ کی شام ایک دردناک حادثہ ہو گیا۔کولکاتہ میٹرو کے دروازے میں ایک مسافر کا ہاتھ پھنس گیا،ہاتھ پھنسنے سے اس کی دردناک موت ہو گئی،واقعہ پارک سٹریٹ میٹرو اسٹیشن کیا ہے۔ مسافر جنوبی کولکاتا کے کسبا علاقے کا رہائشی سجل بتایا جاتا ہے۔معلومات کے مطابق جس میٹرو ٹرین میں یہ حادثہ ہوا، وہ سبھاش نگر کی طرف جا رہی تھی۔ خبر کے مطابق عینی شاہدین نے بتایا کہ سجل نے پارک سٹریٹ میٹرو سٹیشن پر شام6:40 بجے سبھاش نگر کی طرف جا رہی میٹرو ٹرین پکڑنے کی کوشش کی،بھیڑ زیادہ ہونے کے سبب وہ اندر نہیں جا پایا لیکن اس کا ہاتھ اندر ہی رہ گیا اور میٹرو ٹرین کا دروازہ بند ہو گیا۔سجل کا ہاتھ دروازے میں پھنسا رہ گیا اور سب وے ٹرین اگلے اسٹیشن کی طرف روانہ ہو گئی،ہاتھ پھنسے ہونے کی وجہ سے اس کا جسم میٹرو ٹرین سے باہر لٹکتا رہا اور ٹرین چلتی رہی،اگلے اسٹیشن پر میٹرو ٹرین کے رکنے پر دروازہ کھلا اور وہ ہاتھ نکلنے پر وہیں گر پڑا۔بے ہوش سجل کو آنا فانا میں ایس ایس کے ایم ہسپتال لے جایا گیا، جہاں ڈاکٹروں نے اسے مردہ قرار دے دیا۔کولکاتہ میٹرو انتظامیہ نے اس حادثے کو سنجیدگی سے لیا ہے۔حادثے کے بعد مذکورہ میٹرو ٹرین کے موٹرمین اور گارڈ کے خلاف کارروائی کرتے ہوئے دونوں کو معطل کر دیا گیا ہے۔کولکاتہ میٹرو کے ترجمان نے کہا ہے کہ کولکاتہ میٹرو کے 35 سال کی تاریخ میں ایسا واقعہ پہلی بار ہوا،ایسا پہلے کبھی نہیں ہوا تھا۔ بتا دیں کہ میٹرو ٹرین میں ہنگامی صورت حال میں ڈرائیور سے بات کرنے کا اختیار دیا جاتا ہے۔ایسے میں میں ساتھی مسافروں نے اگر تھوڑی سی سنجیدگی دکھاتے ہوئے ڈرائیورکومعلومات دی ہوتیں توشاید سجل کی جان بچ سکتی تھی۔