منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

Source: S.O. News Service | By Abu Aisha | Published on 19th November 2019, 8:52 PM | ساحلی خبریں | اسپورٹس | ان خبروں کو پڑھنا مت بھولئے |

بھٹکل:19؍نومبر(ایس اؤ نیوز) کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں

منکی کی آر ایس اے  ٹیم کے کھلاڑی اور ایس ڈی ایم ڈگری کالج ہوناور میں بی کام کے متعلم ساحل ساوڈا بن عبدالمجید ساوڈا  اسی طرح  الوفا مرڈیشور ٹیم کے کھلاڑی  اور بینا وئیدیا ڈگری کالج مرڈیشور کے متعلم محمد حیات شیخ ابن ابو محمد شیخ کرناٹکایونیورسٹی دھارواڑ کی کرکٹ ٹیم کے لئے منتخب ہوئے ہیں۔

کرناٹکا یونیورسٹی دھارواڑ کی جانب سے دونوں کھلاڑیوں سے کہاگیا ہے کہ وہ 25نومبر 2019کو یونیورسٹی کیمپس میں منعقد ہونے والی کوچنگ کیمپ میں شریک ہوں۔ اب یہ دونوں کھلاڑی 28نومبر سے 11ڈسمبر 2019تک یونیورسٹی آف میسور میں کھیلے جانے والے انٹر یونیورسٹی کرکٹ ٹورنامنٹ میں کرناٹکا یونیورسٹی کی نمائندگی کریں گے۔دونوں کالج کی انتظامیہ،متعلقہ اسپورٹس کلب اور بھٹکل مسلم یوتھ فیڈریشن کے عہدیداران نے ساحل ساوڈا اور محمد حیات کو یونیورسٹی بلیو منتخب ہونےپر مبارکباد پیش کی ہے اورمستقبل میں بہترین کھلاڑی کے طورپر ابھرنے کی تمنا ظاہر کی ہے۔

ایک نظر اس پر بھی

آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں 7 وکٹوں سے شکست دی

  کپتان اینڈی بال برنی (113) اور افتتاحی بلے باز پال اسٹارلنگ (142) کی شاندار سنچریوں کی بدولت آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں سات وکٹوں سے ہراکر زبردست کامیابی حاصل کی ہے۔

کرناٹک کے وزیر صحت بی سری راملو کورونا پوزیٹیو

کرناٹک کے وزیرصحت بی سری راملوکے کورونا وائرس (کووڈ-19) سے متاثر ہونے کی تصدیق ہوئی ہے - سری راملو نے اتوار کو ٹوئٹ کرکے یہ اطلاع دی-انہوں نے بتایا کہ ہلکا بخار ہونے کے بعد کورونا جانچ کرائی گئی تھی، جس میں ان کی رپورٹ پوزیٹیوآئی ہے - وزیر کو بورنگ اسپتال میں بھرتی کرایا گیا ہے ۔