’این ایس اے منکی ‘ کرکٹ ٹورنامنٹ میں آر ایس اے منکی چمپئین : فائنل میں لائن بھٹکل کو دی شکست
بھٹکل:18؍دسمبر(ایس اؤ نیوز) منکی کے کوچاپو گراؤنڈ میں کھیلے گئے ’این ایس اے چمپئین ٹروفی ‘ کے فائنل میں آر ایس اے منکی نے لائن اسپورٹس سنٹر بھٹکل کے خلاف 8وکٹ کی زبردست جیت درج کرتےہوئے چمپئین بنی۔
لائن بھٹکل نے ٹاس جیتنے کے بعد پہلے بلے بازی کرتےہوئے 13.5اوور میں اپنے سبھی وکٹ کھو کر 88رن بنائے۔ جو اب میں آر ایس اے منکی نے 14اوور میں 2وکٹ کھوکر 92رن بنا کر جیت حاصل کی۔ بولنگ میں 3اوور میں صرف 4رن دے کر ایک میڈن اوور کے ساتھ 3وکٹ حاصل کرتےہوئے بہترین کارکردگی کا مظاہرہ کرنے والے ساحل سوڈا کو مین آف میچ کے ایوارڈ سے نوازاگیا۔ چمپئین آر ایس اے منکی کو مع ٹروفی ایک لاکھ روپئے نقد انعام سے نوازاگیا تو رنر اپ لائن بھٹکل کو 55ہزارروپئے مع ٹروفی سے اطمینان ہونا پڑا۔
انعامی تقریب میں مدینہ ٹیم کے محمد لیاس موٹیاکو پورے ٹورنامنٹ میں انفرادی طورپر 239رن بنانے اور 9وکٹ لینے پر مین آف دی سریز کے ایوارڈ سے عزت بخشی گئی ۔ ٹورنامنٹ میں ڈسپلن کا بہترین مظاہرہ کرنے پر مرڈیشور کی شاہین ٹیم کو فئیر پلے ایوارڈ دیاگیا۔ اس کے علاوہ مدینہ ٹیم کے نعمان طاہرہ بیسٹ فیلڈر ،آر ایس اے منکی کے نومیر سوڈا بیسٹ وکٹ کیپر، سب سے زیادہ باؤنڈریز لگانے والے عالم سوڈا(33فورس)کو مور فورس ، سب سے زیادہ سکسر لگانے والے لائن کے عکرمہ موٹیا (16سکس)کو مور سکسس، این ایس اے منکی کے سلمان حسن باپو کو بیسٹ ڈسپلن پلئیر ، 20گیندوں میں 50رن بنانے والے این ایس اے منکی کے جناردھن آچاریہ کو فاسٹسٹ ففٹی ایوارڈ سے نوازاگیا۔
انعامی تقریب میں رکن اسمبلی سنیل نائک، ضلع پنچایت ممبر دیپک نائک، مرڈیشور جماعت المسلمین کے صدر امین سیف اللہ ، منکی جماعت المسلمین کے صدر باشا عابیدہ ، جنرل سکریٹری ارشاد قاضی ، شیخ شبر مرڈیشور، شراوتی کونسل کے صدر خواجہ اکبر، منکی این ایس اے کے صدر حسن باپا ، نعیم حاجیکا، خلیل حاجیکا، خلیل الزماں سمیت کئی لوگ موجود تھے۔