منکی جماعت المسلمین کے سابق سکریٹری اور معروف شخصیت ساوڑا مولیٰ انتقال کرگئے

Source: S.O. News Service | By I.G. Bhatkali | Published on 19th September 2020, 1:29 AM | ساحلی خبریں | ان خبروں کو پڑھنا مت بھولئے |

منکی 18 ستمبر (تعظیم قاضی ندوی/ایس او نیوز) منکی جماعت المسلمین کے سابق  سکریٹری اور منکی میں قومی قائد کی حیثیت رکھنے والے   جناب محمدمولیٰ ساوڑا  انتقال کرگئے۔ انا للہ  وانا الیہ راجعون

موصوف قریب آٹھ سالوں تک بستر علالت پر تھے، مگر آج جمعہ صبح قریب آٹھ بجے چار لڑکوں، ایک بیٹی اور ایک بیوہ سمیت  سینکڑوں  عزیز  و اقارب کو  چھوڑ کر  وہ ہمیشہ ہمیش کے لئے اپنے خالق حقیقی کی آواز پر لبیک کہہ گئے۔ ان کی عمر قریب 78 سال تھی۔ 

منکی کی تاریخی جامع مسجد میں بعد نماز جمعہ نماز جنازہ ادا کی گئی اورسینکڑوں لوگوں کی موجودگی میں  قریبی قبرستان میں  تدفین عمل میں آئی۔

جناب مولیٰ مرحوم   صوم وصلاة کے پابند تھے،علماء صلحاء سے بڑی محبت تھی،  اپنے معاش سے سبکدوش ہو کر وطن لوٹتے ہی  منکی میں جماعتی اور اجتماعی کاموں سے منسلک ہوئے تھے۔  چھ سالوں تک جماعت المسلمین منکی کے سکریٹری کی حیثیت سے  خدمات انجام دی۔  منکی کے مشہور ادارے جماعت المسلمین منکی ومدرسہ رحمانیہ منکی  کو  ترقی کی راہ پر  گامزن کرنے میں ان کا اہم رول رہا، مرحوم بڑے ہی دور اندیش اور صاحب رائے تھے، آپ نے نکاح، طلاق اور خصوصا وراثت کے مسئلہ کو علماء کی نگرانی میں حل کرنے  میں اہم رول ادا کیا۔

ان کے انتقال پر جماعت المسلمین منکی  اور نوائط اسپورٹس اسوسی ایشن منکی  سمیت کئی دیگر جماعتوں  نے بھی گہرے رنج و غم کا اظہار کیا ہے اور ان کے حق میں مغفرت کی دعائیں کی ہیں، ساتھ ساتھ  کئی ذمہ داران نے تعزیتی پیغامات بھی روانہ کئے ہیں اور بالخصوص  مرحوم کی   اہلیہ  کے لئے بھی دعائیں کی ہیں جنھوں نے طویل علالت میں مرحوم مولیٰ صاحب کا  بھرپور خیال رکھا۔ اللہ انہیں بھی صبر جمیل عطا فرمائے اور مرحوم کی بھرپور مغفرت فرمائے۔ اٰمین

ایک نظر اس پر بھی

کاروارمیڈیکل کالج میں داخلے کی مل گئی اجازت۔150طلبہ کے ساتھ شروع ہوگا ایم ایم بی ایس کا پہلا سال

کاروار انسٹی ٹیوٹ آف میڈیکل سائنسس کے تحت شروع کیے گئے میڈیکل کالج میں  تعلیمی سال 2020-21 کے لئے 150طلبہ کو داخل کرنے کی اجازت نیشنل میڈیکل کمیشن(سابقہ نام: میڈیکل کاونسل آف انڈیا) کی جانب سے مل گئی ہے۔ 

بھٹکل ٹاون میونسپالٹی کے لئے کل جمعرات کو ہونے والے صدر اور نائب صدرکے انتخابات غیر معینہ مدت کےلئے ملتوی

کل جمعرات 22 اکتوبر کو منعقد ہونے والے ٹاون میونسپالٹی صدر  اور نائب صدر کے انتخابات غیر معینہ مدت کے لئے ملتوی ہوگئے ہیں، اس بات کی اطلاع بھٹکل تحصیلدار  روی چندرا نے دی۔

بی کام فائنل میں بھٹکل انجمن کالج کے طلبہ کا شاندار پرفارمینس؛ 50طلبہ نے حاصل کی امتیازی کامیابی

انجمن آرٹس ، سائنس اینڈ کامرس کالج بھٹکل کے بی کام فائنل طلبہ نے اس بار شاندار پرفارمینس پیش کرتےہوئے کالج کا نام روشن کردیا ہے، اس بار پچاس طلبہ نے امتیازی نمبرات سے کامیابی حاصل کی ہے جس میں چھ طلبہ ایسے ہیں جنہوں نے  ایک  سبجیکٹ میں سو میں سو مارکس حاصل کئے ہیں۔

بھٹکل ٹاون میونسپالٹی کے لئے کل جمعرات کو ہونے والے صدر اور نائب صدرکے انتخابات غیر معینہ مدت کےلئے ملتوی

کل جمعرات 22 اکتوبر کو منعقد ہونے والے ٹاون میونسپالٹی صدر  اور نائب صدر کے انتخابات غیر معینہ مدت کے لئے ملتوی ہوگئے ہیں، اس بات کی اطلاع بھٹکل تحصیلدار  روی چندرا نے دی۔

بی کام فائنل میں بھٹکل انجمن کالج کے طلبہ کا شاندار پرفارمینس؛ 50طلبہ نے حاصل کی امتیازی کامیابی

انجمن آرٹس ، سائنس اینڈ کامرس کالج بھٹکل کے بی کام فائنل طلبہ نے اس بار شاندار پرفارمینس پیش کرتےہوئے کالج کا نام روشن کردیا ہے، اس بار پچاس طلبہ نے امتیازی نمبرات سے کامیابی حاصل کی ہے جس میں چھ طلبہ ایسے ہیں جنہوں نے  ایک  سبجیکٹ میں سو میں سو مارکس حاصل کئے ہیں۔