شارجہ میں منکی کمیونٹی کی خوبصورت گیٹ ٹو گیدر تقریب؛ کرناٹک کے وزراء نے کی شرکت؛ منکی میں غریبوں کے لئے چالیس مکانات دینے کا اعلان

Source: S.O. News Service | By I.G. Bhatkali | Published on 29th November 2018, 2:23 PM | ساحلی خبریں | خلیجی خبریں |

شارجہ: 29/ نومبر (ایس او نیوز) منکی کمیونٹی (یو اے ای) کی جانب سےگذشتہ روز شارجہ میں اتحاد و ملن کے نام پر   گیٹ ٹو گیدر کی ایک خوبصورت تقریب منعقد کی گئی جس میں کرناٹک کے وزراء نے بھی شرکت کی اور  منکی کے عوام کی کثیر تعداد ایک پلیٹ فارم پر نظر آنے پر نہایت  خوشی کا اظہار کیا۔ پروگرام میں  بچوں سمیت نوجوانوں کی جانب سے بھی تفریحی پروگرام پیش کئے گئے جس سے حاضرین نے خوب لطف اُٹھایا۔

رات کی شاندار ضیافت کے بعد تلاوت کلام پاک سے جلسے کا آغاز ہوا۔

مہمان خصوصی کے طور پر تشریف فرما  کرناٹکا منسٹر فور اربن ڈیولپمنٹ اینڈ ہاوسنگ جناب   یوٹی قادر نے اس بات پر نہایت خوشی کا اظہار کیا کہ منکی سمیت اطراف کے علاقوں کے لوگ ہمیشہ متحد ہوکر اپنے مسائل حل کرنے کے لئے کوشاں رہتے ہیں، انہوں نے سماج کے دیگر طبقات کے لئے منکی، مرڈیشور اور بھٹکل کے عوام کو مثالی قرار دیا اور کہا کہ  بڑوں کی عزت  اور اُن کے مشوروں پر آگے بڑھنے والے یہاں کے نوجوانوں کا اتحاد  قابل فخر ہے۔اپنے خطاب میں یوٹی قادر نے اس بات کا اعادہ کیا کہ حکومت کی طرف سے منکی اور اطراف کے علاقوں میں ترقیاتی کاموں کے لئے ہر ممکن تعاون دیا جائے گا اور زیادہ سے زیادہ فنڈ جاری کرنے کی کوشش کی جائے گی۔ اس سے قبل کرناٹکا منسٹر فور ویمن اینڈ چائلڈ ڈیولپمنٹ محترمہ جئے مالا نے خطاب کرتے ہوئے  بے روزگار خواتین کے لئے سرکار کی جانب سے جاری اسکیموں  کی جانکاری دی، انہوں نے کہا کہ  منکی کے ذمہ داران کی جانب سے اُنہیں اگر 25 غریب خواتین کے نام پیش کئے جاتے ہیں  جو گھر بیٹھے روزگار حاصل کرنے کے خواہاں ہوں تو وہ اُنہیں سرکار کی جانب سے تین تین لاکھ کی رقم  بالکل کم شرح سود پر دلاسکتی ہیں، اس رقم سے خواتین کوئی بھی چھوٹا موٹا کاروبار کرسکتی ہیں جس میں سے اُنہیں 30% رقم واپس لوٹانے کی بھی ضرورت نہیں پڑے گی، البتہ خواتین کا کم سے کم میٹرک پاس ہونا ضروری ہے۔ انہوں نے خواتین کے لئے اسمال اسکیل انڈسٹریس کے تحت دس لاکھ کی  رقم  دلانے کی بھی بات کہی۔

مرڈیشور مرکزی جماعت کے صدر جناب امین سیف اللہ نے اپنے خطاب میں  کینرا مسلم خلیج کونسل کی شروعات پر نہایت مسرت کا اظہار کرتے ہوئے بتایا کہ منکی ، مرڈیشور اور بھٹکل کے عوام کو  ایک دوسرے کے مزید قریب آنے اور علاقہ کے مسائل کو مل جل کر حل کرنے کا موقع ملا ہے۔ انہوں نے بتایا کہ وزراء جب وعدے اور اعلانات کرتے ہیں تو اُس کے بعد ہمارا کام  یہ ہوتا ہے کہ ہم اُس کا صحیح طور پر فالو آپ کریں۔ انہوں نے اس تعلق سے کینرا مسلم خلیج کونسل کا دفتر مرڈیشور میں عنقریب قائم کئے جانے کی بات کہی اور بتایا کہ دفتر کی شروعات کے ساتھ ہی  سرکاری اسکیموں کا فائدہ اُٹھانے میں آسانی ہوگی۔

قائد قوم جناب ایس ایم سید خلیل الرحمن،  محمد یونس قاضیا  و دیگر نے بھی اپنے اپنے تاثرات پیش کئے۔ صدارتی خطاب کرتے ہوئے منکی کمیونٹی کےصدر جناب ابومحمد مختصر نے  بتایا کہ  گذشتہ روز منکی کے  ایک وفدنے بنگلور میں اقلیتی بہبود اورمحکمہ وقف کے وزیرجناب ضمیر احمد خان سے  ملاقات کی تھی، جنہوں نے منکی کے دس غریب لوگوں کو عمرہ جانے  کے لئے خصوصی پیکج دینے کا اعلان کیا ہے، اس کے ساتھ ساتھ منکی میں  40 گنٹہ زمین فراہم کرنے پر اقلیتوں کے لئے کم لاگت کے چالیس مکانات بھی تعمیر کرنے کا وعدہ کیا ہے۔ انہوں نے  اس موقع پر  جناب ضمیر احمد خان کا منکی کمیونٹی کی جانب سے شکریہ ادا کیا۔

اسٹیج پر کینرا مسلم خلیج کونسل کے صدر جناب عبدالقادر باشہ رکن الدین، بھٹکل مسلم خلیج کونسل کے صدر جناب زاہد رکن الدین، بھٹکل مسلم جماعت کے صدر محمد اشفاق سعدا،  شراوتی کونسل  کے صدر جناب خواجہ ابکار سمیت دیگر ذمہ داران موجود تھے۔

حافظ محمد مُبین ابوحُسینا کی تلاوت کلام پاک سے جلسہ کا آغاز ہوا، ابوذر ابو حُسینا نے نشید پیش کی، ضیاء ابو محمد مختصر نے افتتاحی کلمات پیش کئے، منکی کمیونٹی کا پیغام منکی کمیونٹی کے سکریٹری محمد فیضان ساوڑا نے پڑھ کر سنایا،   گیٹ ٹو گیدر کے کنوینر مصدق کٹنگری نے  کلمہ تشکر پیش کیا۔عابدین ابوحُسینا نے خوبصورت اشعار کے ساتھ اور نہایت دلکش  انداز میں نظامت کے فرائض انجام دئے۔

مہمانان کے خطاب اور اُن کی تہنیت کے بعد  بچوں نے  تفریحی پروگرام پیش کیا، اس موقع پر نوجوانوں کی ایک ٹیم نے  پونزی اسکیم پر ایک خوبصورت ڈرامہ پیش کیا جسے حاضرین نے خوب داد و تحسین سے نوازا۔ نوجوانوں کی جانب سے دیگر تفریحی کھیل بھی پیش کئے گئے۔ جبکہ آخر میں  ریفل ڈراء کے ذریعے منکی  جماعت کے ممبران میں انعامات تقسیم کئے گئے۔ آخر میں  جماعت کے نائب صدر  عبدالرشید حاجیکا نے تمام حاضرین اور دیگر مہمانان کا  شکریہ ادا کیا۔

ایک نظر اس پر بھی

لوک سبھا انتخابات؛ کرناٹک میں دوسرے مرحلے کی ووٹنگ جاری؛ دوپہر ایک بجے تک اُترکنڑا میں 39 فیصد پولنگ، سرسی میں سب سے زیادہ 47 فیصد پولنگ (پل پل کی آپڈیٹس)

ملک  کے تیسرے مرحلے اور ریاست کرناٹک کے دوسرے اور آخری مرحلے کی ووٹنگ آج صبح سات بجے سے جاری ہے  اور صبح نو بجے تک کی اطلاع کے مطابق  پوری ریاست میں  نہایت سست روی کے ساتھ پولنگ ہورہی ہے۔

بھٹکل : کل منگل کو ہونے والے انتخابات کے لئے اُترکنڑا میں تیاریاں مکمل؛ سبھی پولنگ بوتھوں پر ووٹنگ مشین روانہ؛ صبح سات بجے سے شروع ہوگی ووٹنگ

سات مرحلوں میں ہونے والی ملک کے عام انتخابات کا تیسرا مرحلہ کل منگل کو شروع ہورہا ہے، جس کے لئے تیاریاں تقریباً مکمل ہوچکی ہیں۔ ضلع اُترکنڑا کے مختلف  حلقوں میں  آج صبح سے  ووٹنگ مشینوں کو  پولنگ بوتھوں پر روانہ کرنے کی کاروائی شروع ہوئی۔

شمالی کینرا کے ڈی سی نے سمندری لہروں پر تقسیم کیں نوجوان ووٹروں کو پرچیاں

ضلع شمالی کینرا کی انتظامیہ کی طرف سے ووٹروں میں پولنگ کی اہمیت کا شعور بیدار کرنے کے لئے پچھلے چند مہینوں سے بہت سارے طریقے اپنائے گئے۔تازہ ترین اقدام کے طور پر ضلع ڈی سی ڈاکٹر ہریش کمار نے پہلی مرتبہ ووٹ ڈالنے والے نوجوان ووٹروں کو اسکوبا ڈائیونگ کا موقع فراہم کرتے ہوئے ...

اُترکنڑا لوک سبھا انتخابات؛ دوسرے مرحلے کی پولنگ کے لئے تشہیری مہم کا اختتام۔ اننت کمارہیگڈے نے مسلمانوں کے خلاف کہیں بھی زہر نہیں اُگلا

پارلیمانی انتخابا ت کے دوسرے مرحلے کی پولنگ سے پہلے امیدواروں کی طرف سے عوامی تشہیر کے لئے اتوار کی شام تک موقع تھا۔ اس سے فائدہ اٹھانے کے لئے سابق وزیراعظم دیوے گوڈا سمیت کئی قد آور سیاسی لیڈروں نے ضلع شمالی کینرا کا دورہ کیا اور ووٹروں سے اپنے امیدوار کے لئے ووٹ طلب ...

ضلع شمالی کینرا میں انتخابی ذمہ داری اداکرنے میں مصروف پولیس عملے کو ڈرائی فروٹ کِٹ کا تحفہ 

کل ہونے والے لوک سبھا انتخابات کے لئے پورے ضلع میں  جتنے بھی پولس اہلکاروں کو تعینات کیا گیا ہے، اُنہیں ضلع کے سپرنٹنڈینٹ  آف پولس کی طرف سے  پہلی بار  ڈرائی فروٹ کے کٹس فراہم کئے گئے ہیں۔ بتایا گیا ہے کہ  پارلیمانی انتخابات کو پرامن طریقے پر انجام دینے کے لئے تین ہزارسے ...

کانگریس پارٹی نے کیا غیر رہائشی ہندوستانی ووٹروں کے لئے ڈسٹرکٹ کوآر ڈینیٹرکے بطوربھٹکل کے قمر سعدا کا تقرر

بھٹکل کے مشہورغیر رہائشی سماجی خدمت گار اور سعودی عرب کے تاجر قمر سعدا صاحب کو کرناٹکا پردیش کانگریس کی طرف سے پارلیمانی انتخابات کے موقع پر ووٹنگ کے لئے وطن میں تشریف لانے والے این آر آئیز کے لئے’ ڈسٹرکٹ کوآر ڈینیٹر‘ مقرر کیا ہے ۔

بھٹکل میں انڈین نوائط فورم کی جانب سے روزگار میلہ؛ چار سے پانچ لاکھ روپیوں میں کاروبار شروع کرنے کے خواہش مندوں کے لئے بھی سنہرا موقع

بھٹکل سمیت اطراف کے علاقوں بالشمول شرالی، مرڈیشور اور منکی کے لوگوں کے لئے جو نوکریوں کی تلاش میں ہیں، انڈین نوائط فورم کی جانب سے  27 اپریل کو منعقد کئے جانے والے جاب فئیر  کی تیاریاں آخری مراحل میں ہیں، اس تعلق سے کافی لوگوں نے  فئیر میں شریک ہونے کے لئے اپنا نام درج کروایا ...

دبئی کے قریب عجمان میں منعقدہ امین سیف اللہ "بی پی ایل" کرکٹ ٹورنامنٹ میں این جی ٹی بلٹز کی شاندار کامیابی

 امین سیف اللہ بھٹکل پریمئر لیگ(بی پی ایل)  2019 کرکٹ ٹورنامنٹ  کے فائنل میں این جی ٹی بلٹز نے شاندار کھیل کا مظاہرہ پیش کرتے ہوئے  الکریمی چیمپئن کوشکست دے کر بی پی ایل چیمپئن شپ حاصل کرلی ہے۔ خیال رہے کہ این جی ٹی ٹیم  مسلسل آٹھ سالوں سے بی پی ایل ٹورنامنٹ  میں حصہ لے رہی تھی، ...

بھٹکل کمیونٹی جدہ کی جانب سے ممبران کے لئے پکنک کا اہتمام؛ خواتین کے لئے صحت بیداری کا بھی منعقد ہوا بہترین  پروگرام

  4/اپریل 2019 کوبھٹکل کمیونٹی جدہ نے موجودہ  حالات کو مد نظر رکھتے ہوئے پریشانیوں،  دشواریوں اور تناو  سے تھوڑا سا ارام اور پرسکون ماحول فراہم کرنے  ممبران کے لئے پکنک کا اہتمام کیا جس میں بچوں  بڑوں اور بزرگوں اور خواتین کے لئے  بہت سارے تفریحی پروگرام منعقد کئے گئے. خیال رہے ...

گلف سے بھٹکل لوٹنے والوں کے لئے 27اپریل کوہوگا انڈین نوائط فورم کا جاب میلہ؛ فوری فارم بھرکر اپنا نام رجسٹرڈ کرائیں

حال ہی میں خلیجی ممالک کی بعض پالیسیوں سے پریشان ہوکرجو لوگ گلف سے بھٹکل واپس لوٹ چکے ہیں اُن کے لئے انڈین نوائط فورم (INF) کی جانب سے  مورخہ 27 اپریل  کو بھٹکل نوائط کالونی ،رابط  ہال میں  جاب میلہ  کا انعقاد کیا گیا  ہے جس میں مختلف میدانوں میں کام کا تجربہ رکھنے والوں کو اُن کی ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔