بھٹکل:2/ ستمبر(ایس اؤ نیوز) تعلقہ کی جنتا کوآپریٹیو سوسائٹی کے  مین برانچ کے دفتر میں منعقدہ  عہدیداران  انتخابی اجلاس میں سابق رکن اسمبلی منکال وئیدیابطور صدر  اور نائب کی حیثیت سے پرمیشور دیواڑیگا ہیبلے متفقہ طورپر منتخب ہوئے ہیں۔

جمعرات کو صدر دفتر میں انتخابی کارروائی انجام دی گئی ۔ جہاں منکال وئیدیا بطور صدر کی حیثیت سے تنہا پرچہ نامزدگی داخل کیا تو نائب صدر کے لئے پرمیشور دیواڑیگا ، پرمیشور نائک، ناگپا نائک، وٹھل نائک نے پرچہ نامزدگی داخل کئے تھے۔ بعد میں تینوں نے اپنا پرچہ نامزدگی واپس لیاتو پرمیشور دیواڑیگا کا راستہ آسان ہوگیا۔ صدر کے طورپر منکال وئیدیا تیسری مرتبہ عہدہ سنبھالیں گے تو پرمیشور دیواڑیگا دوسری بار نائب صدر بنے ہیں۔ کوآپریٹیو محکمہ کے سنئیر آفیسر جی کے بھٹ نے الیکشن کمشنر کے طورپر  اپنا فرض اداکیا۔ جنرل مینجر ڈی ایل نائک موجود تھے۔ انتخابی کارروائی مکمل ہوکر باہر نکلتے ہی صدر و نائب صدر کے ساتھیوں نے گل پوشی کرتے ہوئے انہیں مبارکبادی پیش کی۔