الال پولیس اسٹیشن کے ایک اور اے ایس آئی کو لاحق ہوا کورونا کا مرض
منگلورو،27/جون (ایس او نیوز) تعلقہ کے الال شہر میں واقع پولیس اسٹیشن سے وابستہ ایک اور اسسٹنٹ سب انسپکٹر کو کووِڈ 19کا مرض لاحق ہوگیا ہے، جسے علاج کے لئے ایک نجی اسپتال میں داخل کیا گیا ہے۔
محکمہ صحت کے افسران کے مطابق اس اے ایس آئی کی طبیعت خراب ہونے کی وجہ سے اسپتال میں لایا گیا تھا۔پھر کووِڈ کا ٹیسٹ کرنے پر اس کی رپورٹ پوزیٹیو نکلی ہے۔بتایا جاتا ہے کہ سرحدی علاقے تلپاڈی میں اس کی بھی ڈیوٹی لگی ہوئی تھی۔
اس سے پہلے اسی پولیس اسٹیشن سے وابستہ ایک اور اے ایس آئی کی رپورٹ پوزیٹیوآئی تھی جس کے بعد الال پولیس اسٹیشن کو سیل ڈاؤن کیا گیا تھا۔ اس کے علاوہ الال میں آزاد نگر، الال کوڈی،بنگیراکالونی، تاج محل ہال سے متصل پلاٹس کو پوری طرح سیل ڈاؤن کیا گیا ہے۔الال میں بازار کی دکانوں کو بھی سینیٹائز کرنے کا کام بلدیہ کی جانب سے کیا گیا۔