منگلورو میں 2نوجوان لڑکیوں نے کرلی خود کشی
منگلورو3/دسمبر(ایس او نیوز)پچھلے کچھ دنوں نے جنوبی کینرا میں نوجوان بچوں کے خودکشی کے واقعات میں دن بدن اضافہ ہوتا جارہا ہے۔ تازہ واقعے میں منگلورو کے دو الگ الگ مقامات پر دو نوجوان لڑکیوں نے خودکشی کرلی ہے۔
2دسمبر کو پیش آئے ان واقعات میں پہلا معاملہ پتور کا ہے جس میں اوشا نامی فرسٹ پی یو سی کی طالبہ نے پھانسی لگاکر اس وقت خود کشی کرلی جب گھر پر کوئی بھی موجود نہیں تھا۔جبکہ دوسرا واقعہ بینگرے میں پیش آیا۔ انیشا (24سال) نے پھانسی لگا کر اس وقت خودکشی کرلی جبکہ گھر میں تمام لوگ موجود تھے۔ اس نے اپنا کمرہ اندر سے مقفل کرکے پھانسی لگائی تھی۔ بڑی دیر تک کمرے سے باہر نہ نکلنے پر گھر والوں نے دستک دی۔ جواب نہ ملنے پر کسی طرح مشقت کرکے دروازہ کھولا گیا تو انیشا پھندے سے لٹک رہی تھی۔ جب اسے اسپتال لے جانے کی کوشش کی جارہی تھی تو راستے میں ہی اس نے دم توڑ دیا۔گھر والوں کا کہنا ہے کہ انیشا کے والدکسی بیماری کا شکا رہیں جس کی وجہ سے اس نے ذہنی پریشانی کے عالم میں یہ انتہائی قدم اٹھا یا ہوگا۔