منگلورو میں کورونا سے ہوئیں مزید 2اموات۔ اب تک دکشن کنڑا میں ہلاک ہونے والوں کی تعداد ہوگئی 24
منگلورو،6؍جولائی (ایس او نیوز)آج صبح منگلورو میں کورونا وائرس کی وجہ سے 2لوگوں کی موت واقع ہوگئی ہے جس کے ساتھ ضلع جنوبی کینرا میں کورونا سے مرنے والوں کی تعداد بڑھ کر 24ہوگئی ہے۔
موصول رپورٹ کے مطابق آج سنتوش نگر تھوکٹو کا رہنے والا ایک شخص جو امراض قلب اور نمونیا میں مبتلاتھا کورونا انفکیشن کے ساتھ فوت ہوگیا جب کہ دوسری موت ایک خاتون کی ہوئی ہے جو الال کی رہنے والی تھی جو وینلاک ہاسپٹل میں داخل تھی۔ دونوں مہلوکین کی عمر 52سال ہے۔
اتوار کی شام کو جاری کیے گئے ہیلتھ بلیٹین کے مطابق ضلع جنوبی کینرا میں 147نئے معاملات درج کیے گئے ہیں، جس کے بعد یہاں اب تک متاثر ہونے والوں کی تعداد 1,232ہوگئی اوران میں سے فی الحال 666ایکٹیو کیسس موجود ہیں۔