سورتکل میں دو منشیات فروخت گرفتار۔ ایم ڈی ایم اے نامی نشیلی دوا اور کارضبط
منگلورو20/ستمبر (ایس او نیوز) سورتکل لائٹ ہاؤس کے پاس سمندر کنارے معصوم طلبہ کومنشیات فروشی کے الزام میں منگلورو پولیس نے دو افراد کو گرفتار کیا ہے جن کے نام محمد مزمل(40سال) اور محمد رشید (40سال) بتائے گئے ہیں۔
پولیس کا الزام ہے یہ دوافراد ساحل کے قریب سڑک کنارے ایک کار میں بیٹھ کر ایم ڈی ایم اے یا عام طور پرecstasyکے نام سے معروف نشیلی دوا طلبہ کو فروخت کرنے کی کوشش کررہے تھے۔منگلورو پولیس کے اسپیشل ٹاسک فورس سے منسلک افسران کو جب اس کی مصدقہ اطلاع ملی تو انہوں نے متعلقہ مقام پر چھاپہ مارکر 30ہزار روپے مالیت کی11گرام نشہ آوردواکے ساتھ ملزمین کو گرفتار کرلیا۔ اس کے علاوہ 4لاکھ روپے مالیت کی سفید رنگ کی ایک کار، 10,950روپے نقد اور 21ہزار روپے مالیت کے چار موبائل فون ضبط کرلیے۔سورتکل پولیس اسٹیشن میں کیس درج کرلینے کے بعدملزمین کو عدالت میں پیش کیا گیا، جہاں سے انہیں عدالتی حراست میں بھیجا گیا ہے۔