سسی کانت سینتھل کو استعفیٰ واپس لینے کے لئے  افسران اور خیر خواہان نے کیا اصرار۔ مستعفی ڈپٹی کمشنر نے فیصلہ بدلنے سے کیا انکار

Source: S.O. News Service | Published on 9th September 2019, 7:26 PM | ساحلی خبریں |

منگلورو 9/ستمبر (ایس اونیوز) مختلف محکمہ جات کے افسران اور خیر خواہان نے حکومتی نظام میں آرہی تبدیلیوں اور غیر جمہوری رجحانات کے خلاف بطور احتجاج مستعفی ہونے والے ڈپٹی کمشنر سسی کانت سینتھل سے  ملاقات کی اور انہیں اپنا استعفیٰ واپس لینے پر آمادہ کرنے کی پرزور کوشش کی۔ لیکن سسی کانت نے اتوار کے دن صبح سے شام تک ملاقات کرنے والوں کو صاف لفظوں میں بتادیا کہ وہ کسی بھی قیمت پر اپنا فیصلہ نہیں بدلیں گے۔

 اپنے ملاقاتیوں پر انہوں نے ایک مرتبہ پھر سے واضح کردیا کہ جن اصولوں پر وہ یقین اور اعتماد رکھتے ہیں ان کے ساتھ سمجھوتہ کرتے ہوئے کام کرنا اب ان کے لئے ناممکن ہوگیا ہے۔ اور ان کے مستعفی ہونے کی یہی بنیادی وجہ ہے۔

 یاد رہے کہ اچانک اپنا استعفیٰ سونپنے کے بعد سینتھل جمعہ اور سنیچر کے دن عوامی رابطے سے بالکل کٹ گئے تھے اور کسی کو بھی پتہ نہیں چل رہا تھا کہ وہ کہاں پر ہیں۔سنیچر کے دن شام کے وقت وہ ڈپٹی کمشنر کے دفتر میں حاضر ہوئے اور ان کی جگہ نئے ڈی سی کا عہدہ سنبھالنے والی سندھو روپیش سے گفتگو کی۔ اتوار کے دن انہوں نے سرکاری رہائش گاہ قیام کیا۔جہاں پر ان سے ملنے والوں کا تانتا لگ گیا۔سینتھل نے شام تک ملاقاتیں کرنے والوں کو بتایا کہ اگلے چند ہی دنوں میں وہ مستقبل کے تعلق سے فیصلہ کریں گے۔اس کے بعد وہ ایک نجی کار میں سرکاری بنگلے سے نکل گئے۔ بعض ذرائع سے ملی خبروں کے مطابق وہ پیر کے دن اپنے آبائی شہر چینئی کے لئے نکل گئے ہیں۔اور جلد ہی واپس کرناٹکا میں لوٹ آنے کا منصوبہ رکھتے ہیں۔

ایک نظر اس پر بھی

بھٹکل: شمالی کینراکے ماہی گیروں کے ساتھ ریاستی حکومت سوتیلا سلو ک کررہی ہے۔ ماہی گیر لیڈ ر وسنت کھاروی کا الزام

بھٹکل کے ماہی گیر لیڈر وسنت کھاروی نے الزام لگایا ہے کہ ریاستی حکومت اور وزارت ماہی گیری کی طرف سے اڈپی اور جنوبی کینرا کے مقابلے میں شمالی کینرا کے ماہی گیروں کے ساتھ سوتیلا سلوک کیا جارہا ہے۔

کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس ...

کرناٹک میں سنڈے لاک ڈاون منسوخ؛ کل 31 مئی کو نہیں ہوگا لاک ڈاون؛ عام دنوں کی طرح رہے گی چھوٹ؛ بھٹکل میں بھی صبح سے دوپہر تک کھلیں گی دکانیں

کرناٹک کے وزیراعلیٰ یڈی یورپا نے بیان دیا ہے کہ  ریاست کرناٹک میں  کل 31/مئی اتوار کو گذشتہ اتوار کی طرح لاک ڈاون نہیں رہے گا۔ سنیچر کو بنگلور میں اخبار نویسوں سے گفتگو کرتے ہوئے  یڈی یورپا نے بتایا کہ  اتوار کے لاک ڈاون کو ریاست سے ہٹادیا گیا ہے اور کل اتوار کو دیگر ایام کی طرح ...

منگلورو ایئر پورٹ پر بم رکھنے کا معاملہ ؛ ملزم آدتیہ راؤ سے پوچھ تاچھ کیلئے مرکزی وزارت داخلہ سے اجازت کا انتظار

گودی میڈیا نے منگلورو ایئر پورٹ پر بم رکھ کر تہلکہ مچانے والے سنگھ پریوار سے جڑے نوجوان آدتیہ راؤ کے معاملہ پر پوری طرح اب تک خاموشی اختیار رکھی ہے اور اب تک اس سلسلہ میں کوئی خبر ہی نہیں دی گئی تھی، اس معاملہ پر پردہ ڈالنے کی بھی کوشش جاری ہے ،