منگلورو میں ایک بدنام زمانہ دھوکے باز کشمیری اور اس کا ساتھی گرفتار

Source: S.O. News Service | By Shahid Mukhtesar | Published on 24th August 2019, 10:00 PM | ساحلی خبریں |

منگلورو 24/اگست (ایس او نیوز) منگلورو سٹی پولیس کمشنرنے ایک پریس کانفرنس کے دوران بتایا ہے کہ برکے پولیس اسٹیشن کے حدود میں ایک بدنام زمانہ کشمیری دھوکے باز اور اس کے ڈرائیور کو گرفتار کرلیا ہے جس کے بارے میں شبہ ہے کہ وہ بھی کشمیری دھوکے باز کا ساتھی ہوسکتا ہے۔

پولیس کمشنر نے تفصیلات بتاتے ہوئے کہا کہ 17اگست کو دو افراد برکے پولیس اسٹیشن کے حدود میں مشکوک انداز میں کار میں سفر کرتے ہوئے پائے گئے۔ کار پر ورلڈ ہیلتھ آرگنائزیشن (WHO)کا بورڈ لگا ہوا تھا۔ پولیس نے کار روک کر جب تفتیش کی تو پتہ چلا کہ باسط شاہ (30سال) نامی شخص ڈبلیو ایچ او کے ڈائریکٹر کے طور پر کار میں سفر کررہا تھا اور کار کو چلانے والے کا نام بلجیندر سنگھ تھا۔ شک کی بنیاد پر انہیں تحویل میں لے کر پوچھ تاچھ کرنے پر یہ راز کھلا کہ باسط شاہ ڈبلیو ایچ او کا ڈائریکٹر نہیں تھا بلکہ ایک بدنام زمانہ دھوکے باز تھا، جو ڈبلیو ایچ او کے ڈائریکٹر کے بھیس میں لوگوں کو دھوکا اور فریب دے رہا تھا۔

پولیس کا کہنا ہے کہ ابتدائی تفتیش میں باسط شاہ نے خود کو ممبئی کا رہنے والا بتایا تھا، لیکن پولیس کی تحقیق سے یہ ثابت ہو اکہ وہ کشمیری ہے اور اس کا اصلی نام شوکت احمد لون ہے اور وہ ایک عرصے سے ملک بھر میں مختلف شہروں میں گھوم پھر کر لوگوں کو دھوکا دیا کرتا ہے۔شوکت اپنا شادی کروانے والا ویب سائٹ چلاتا ہے، اور اس کے ذریعے گوا، ممبئی، چھتیس گڑھ، پنجاب، جھارکھنڈ اور بیلگام جیسے مقامات پر خواتین کا استحصال کرچکا ہے۔باسط عرف شوکت اس مرتبہ منگلورو میں شادی کروانے کے بہانے ایک لڑکی سے ملنے کے لئے پہنچا تھا۔ وہ ایک پُر تعیش زندگی گزارتا تھا، ہمیشہ کار میں سفر کرتا تھا۔ اور مہنگے ہوٹلوں میں قیام کرتاتھا اس کے علاوہ اس کا دعویٰ ہے کہ اس نے ایم بی بی ایس کی ڈگری کے ساتھ ڈاکٹری کا امتحان بھی پاس کیا ہے۔ بلجیندر سنگھ نے بتایا ہے کہ وہ گزشتہ دو سال سے20ہزار روپے ماہانہ تنخواہ پر باسط کے پاس بحیثیت ڈرائیورملازمت کررہا ہے۔

پولیس کا کہنا ہے کہ وہ فی الحال کچھ اہم معلومات ظاہر کرنا نہیں چاہتی البتہ اس دھوکے باز کا شکار ہونے والے افراداور خاص کر کے خواتین پولیس سے رابطہ قائم کرسکتے ہیں۔دونوں ملزمین کو پولیس نے عدالت میں پیش کرنے کے بعد مزید تفتیش کے لئے اپنی کسٹڈی میں لے لیا ہے۔

ایک نظر اس پر بھی

منگلورو: جعلی کرنسی چھاپنے اور بازار میں چلانے والے دو ملزمین گرفتار 

بجپے پولیس اسٹیشن کے افسرا ن نے جعلی نوٹ چھاپنے اور اسے بازار میں چلانے کی کوشش کرنے والے دو ملزمین کو گرفتار کیا ہے اور ان کے قبضے سے جعلی نوٹ، کلر پرنٹر، موبائل فونس اور موٹر سائیکل ضبط کرلیے گئے ہیں۔

کوسموس اسپورٹس سنٹر بھٹکل کے زیراہتمام تعلیمی و تہنیتی ایوارڈ پروگرام کا شاندار انعقاد :وہی علم ،علم ہے جو اللہ سے جوڑے

کوسموس اسپورٹس سنٹر بھٹکل کے زیر اہتمام کوسموس تعلیمی و تہنیتی ایوارڈ کی تقریب بروز جمعرات کی رات 27فروری 2020کو مرکزی خلیفہ جماعت المسلمین بھٹکل کے قاضی مولانا خواجہ معین الدین اکرمی ندوی مدنی کی زیر سرپرستی  خلیفہ محلہ میں کامیابی کے ساتھ  منعقد ہوا۔

گنگولی کی توحید وومنس کالج میں ماحولیات اور قائدانہ صلاحیت پرپروگرام کا انعقاد : طلبا سرکاری منصوبہ جات کو سماج تک پہنچانے میں اہم رول ادا کریں

توحید وومنس ڈگری کالج گنگولی کے زیراہتمام نہرو یوتھ سنٹر اُڈپی، آسرے یوتھ کلب تراسی کے اشتراک سے کالج طلبا میں ماحولیات ،پانی کا غیر ضروری استعمال اور قائدانہ صلاحیت پیدا کرنے کے مقصد کو لے کر ’یوتھ پارلیمنٹ ‘ پروگرام کا انعقاد کیاگیا ۔

کنداپور اور بیندور پولیس نے دبئی سے سونا اسمگل کرنے کے الزام میں بھٹکل کے 13افراد کو کیا گرفتار

دبئی سے کالیکٹ ایئر پورٹ پر اترنے کے بعد غیر قانونی طور پر کاراور ٹرین کے ذریعے سونا اسمگل کرنے کے الزام میں کنداپور اور بیندور پولیس نے بھٹکل سے تعلق رکھنے والے 13افرد کو گرفتار کیا ہے اوران کے قبضے سے تقریباً51لاکھ روپے کا سونا ضبط کیا ہے۔