گوا سے بنگلورو کے لئے جلد شروع ہونے والی ہے نئی ٹرین ؛ بھٹکل سمیت کاروار والوں کے لئے بھی راحت کی خبر
منگلورو12/فروری(ایس او نیوز) مرکزی وزیر مملکت برائے ریلوے سریش انگڈی نے گواسے بنگلورو کے لئے نئی ٹرین شروع کرنے کا اعلان کردیا ہے، جوگوا کے واسکو، شمالی کینرا، اڈپی اور منگلورو سے ہوتے ہوئے بنگلوروکے درمیان چلے گی۔
ریلوے پاسنجر ویلفیئر کمیٹی کی جانب اس طرح کی ٹرین کے لئے بہت دنوں سے مطالبہ کیا جارہاتھا۔اس خصوصی ٹرین کا نمبر 06587اور 06588 ہوگا۔ اس سے پہلے اس ٹرین کی روانگی اور آمد کے اوقات کے تعلق سے کچھ مسائل اور اعتراضات تھے جس پر کمیٹی کے نمائندوں اور ساؤتھ ویسٹرن ریلوے کے چیف اے کے سنگھ کے ساتھ ہبلی میں میٹنگ ہوئی اور مسائل کو حل کرنے کے بعد نیا ٹائم ٹیبل بنایا گیا ہے۔اب صرف پہلی ٹرین کو ہری جھنڈی دکھانے کا مرحلہ باقی ہے۔بنگلورو یشونت پور اسٹیشن سے یہ ٹرین شام 6.45کو روانہ ہوگی۔صبح 3.30بجے پڈیل، 4.50کو اڈپی5.20کو کنداپور،8.30بجے کاروار اور 10.30بجے واسکو پہنچے گی۔
اسی طرح واپسی کے لئے یہ ٹرین واسکو سے بنگلورو کے لئے شام 4.40بجے روانہ ہوگی۔7بجے کاروار،10.33بجے بیندور،10.55کوکنداپور، 11.25 کو اڈپی،12.20کو پڈیل اور صبح 9بجے یشونت پور پہنچے گی۔ریلوے افسران نے بتایا ہے کہ یہ ایک عبوری ٹائم ٹیبل ہے، اس میں مسافروں کے مفاد کو دیکھتے ہوئے مزید تبدیلی کی جاسکتی ہے۔