منگلورو26 /اگست (ایس او نیوز) اوروا علاقے میں 13کروڑ روپوں کی لاگت سے تعمیر شدہ نئی مارکیٹ کی چھت میں لگائے گئے 15سے20 پنکھے اوردیگر سازوسامان چرالیے گئے ہیں، جبکہ ابھی اس مارکیٹ کو دکانداروں کے حوالے بھی نہیں کیا گیا ہے۔

موصولہ رپورٹ کے مطابق مارکیٹ کی تعمیر دوسا ل پہلے مکمل ہوئی تھی۔ اس کا افتتاح امسال جنوری میں ہوا تھا۔چوری کی یہ واردات سامنے آنے کے بعد عوام کا کہنا ہے کہ سرکاری املاک کے تعلق سے یہ ضلع انتظامیہ اور سٹی میونسپل کارپوریشن کی غفلت او رکوتاہی کا ایک نمونہ ہے، جہاں دکانداروں اور عوام کے استعمال میں آنے سے پہلے ہی چوروں نے اپنی کارروائی انجام دی ہے۔

 اس معاملے میں اوروا پولیس اسٹیشن میں کیس درج کرلیا گیا ہے۔