منگلورو : مشہورو معروف 'محتشم بلڈرس' کی شاندارعمارت "محتشم کینوپی" کو ملا 'ویل بِلٹ کانکریٹ اسٹرکچر' ایوارڈ
منگلورو، 2؍ جنوری (ایس او نیوز) بھٹکل کے ایس ایم ارشد المعروف محتشم بلڈر ارشد صاحب کی مشہور و معروف تعمیراتی کمپنی 'محتشم بلڈرس' کے تحت تعمیر کی گئی رہائشی عمارت "محتشم کینوپی" کو جنوبی کینرا، اڈپی ، شیموگہ اور چکمگلورو زون میں 2021 کا 'ویل بِلٹ کانکریٹ اسٹرکچر' ایوارڈ کے لئے منتخب کیا گیا ہے ۔
ذرائع سے ملنے والی اطلاع کے مطابق منگلورو کے میلاگریس ہال میں 11 جنوری کو منعقد ہونے والے پروگرام کے دوران ٹیم محتشم کو یہ ایوارڈ تفویض کیا جائے گا ۔
خیال رہے کہ تعمیراتی دنیا میں محتشم کمپنی نے تقریباً گزشتہ 30 برسوں سے اپنا ایک منفرد اور بلند ترین مقام بنایا ہے ۔ کئی بہترین عمارتوں کے ساتھ منگلورو کی تعمیراتی دنیا میں اپنے انمٹ نقوش چھوڑنے کے بعد ان کے ذریعہ پیش کی گئی "محتشم کینوپی" جدید سہولیات سے آراستہ بہت ہی شاندار رہائشی عمارت ہے جو آرام دہ زندگی کے تمام تقاضوں کو سامنے رکھ کر بڑے ہی معیاری طرز پر تعمیر کی گئی ہے ۔ اس میں 2 بیڈ روم ہال اور کچن سے لے کر 5 بیڈ روم ہال کچن تک کے اپارٹمنٹس موجود ہیں ۔ 17 منزلوں پر پھیلےہوئے ان اپارٹمنٹس کی مجموعی تعداد 267 ہے ۔
اعلیٰ اور معیاری تعمیرات کے لئے ایک باوقار ایوارڈ کے لئے چنے جانے پر ساحل آن لائن کی طرف سے محتشم بلڈرس کی خدمت میں ہدیہ مبارکباد پیش کرتے ہوئے توقع کی جاتی ہے کہ اس ایوارڈ سے محتشم بلڈرس کے معیار اور وقار میں چار چاند لگ جائیں گے اور ان کی ترقی کی رفتار اور تیز ہوجائے گی ۔