منگلورو: شادی کی دعوت میں شرکاء کی تعداد قانون کے مطابق نہ ہونے پر پولیس اسٹیشن میں درج ہوا کیس
منگلورو، 5؍ مئی (ایس او نیوز) سورتکل پولیس اسٹیشن کے حدود میں واقع کولائی شورس بیچ ہاوس میں ایک شادی کی ریسپشن تقریب منعقد کی گئی تھی جس میں شرکاء کی تعداد قانون کے مطابق مقررہ حد میں نہ ہونے کی وجہ سے پولیس نے تقریب کے منتظمین اور بیچ ہاوس کے مالکان کے خلاف کیس درج کرلیا۔
بتایا جاتا ہے کہ منتظمین نے اس تقریب کے لئے سٹی کارپوریشن سے اجازت حاصل کی تھی۔ مگر مقامی لوگوں نے ہجوم زیادہ جمع ہونے پر تعلقہ انتظامیہ سے شکایت کی جس کے بعد سب ڈیویژنل آفیسر نے سٹی کارپوریشن کے افسران کے ساتھ موقع پر پہنچ کر جائزہ لیا توپتہ چلا کہ شرکاء کی تعداد مقررہ حد سے زیادہ ہونے کے علاوہ اجازت نامہ سے متعلق شرائط کی بھی خلاف ورزی ہورہی ہے۔
سٹی کارپوریشن کے افسران کی جانب سے سورتکل پولیس اسٹیشن میں شکایت درج کیے جانے پر پولیس نے کارروائی کرتے ہوئے منتظمین اور بیچ ہاوس کے مالکان کے خلاف کیس درج کرلیا۔