منگلورو: ملالی مسجد تنازعہ - ہندو تنظمیں کریں گی "اشٹھ / تامبولا پرشنا" رسوم -ڈپٹی کمشنر نے کہا : قانونی دستاویزات ہونگے سب سے اہم

Source: S.O. News Service | Published on 24th May 2022, 8:56 PM | ساحلی خبریں |

منگلورو،24؍ مئی (ایس او نیوز) منگلورو کے مضافات میں واقع ملالی میں السید عبداللہ مدنی جامع مسجد کی تعمیر و تجدید نو کے وقت ہندو تنظیموں نے مندر کے باقیات ملنے کا جو تنازعہ کھڑا کیا ہے اس پر ایک ویڈیو کلپ جاری کرتے ہوئے ڈپٹی کمشنر ڈاکٹر راجیندرا نے کہا کہ :" ایک مندر جیسا ڈھانچہ ملالی میں نظر آیا جس کے بعد کچھ مسائل کھڑے ہوئے ہیں ۔ پولیس اور مقامی ریوینیو افسران نے اس مسئلہ کو سنبھالا ہے ۔ ایڈیشنل جے ایم ایف سی کورٹ نے تمام فریقوں اور بالخصوص مسجد کمیٹی کے صدر کے لئے  ایک انجنکشن آرڈ (حکم امتناعی، جوں کی توں حالت برقرار رکھنے کے لئے) جاری کیا ہے ۔ بہت ساری تنظیموں نے ضلع انتظامیہ کے پاس درخواستیں دے رکھی ہیں۔ "

ڈی سی نے مزید کہا ہے کہ : "چونکہ یہ معاملہ عدالت میں زیر سماعت ہے اس لئے اس کو عدالت میں حل ہونا چاہیے ۔ آج ہم نے مقامی ریوینیو افسران، گرام پنچایت افسران، وقف اور اینڈاومنٹ افسران ، ریاستی آرکیالوجی ڈپارٹمنٹ اور پولیس محکمہ کے اعلیٰ افسران کے ساتھ ایک سرسری میٹنگ منعقد کی ۔ مسجد کمیٹی نے ہمیں یقین دلایا ہے کہ وہ یہ معاملہ عدالت میں لڑ رہے ہیں ۔ وہ اس معاملہ سے متعلق تمام دستاویزات جمع کروا رہے ہیں ۔ یہاں جو سب سے زیادہ اہم چیز ہے وہ قانونی دستاویزات ہیں ۔ یہاں تک کہ عدالت بھی قانونی دستاویزات کو دھیان میں رکھے گی ۔ کچھ تنظیموں کی جانب سے جو بھی مذہبی رسوم منعقد ہونگے اس کو قانونی تناظر میں نہیں دیکھا جائے گا ۔  یہ سارے پہلو عدالت میں دیکھے جائیں گے اور وہاں پر مناسب فیصلہ ہوگا۔" 

خیال رہے کہ ہندو تنظیموں نے اس مسئلہ کو  کے "علم زائچہ" (astrology) ذریعے حل کرنے کی کوشش کرتے ہوئے 25 مئی کو "اشٹھ پرشنے" (آٹھ چیزوں کےساتھ پوجا پاٹ اور سوالات)اور "تمبولا پرشنے" (کھانے پان کے ساتھ پوجا پاٹ اورسوالات) نامی مذہبی رسوم کا انعقاد کرنے اور  اس مقام پر مندر ہونے کے تعلق سے پجاری اپنے حساب سے جو جواب دے گا اسی پر فیصلہ کرنے کا اعلان کیا ہے ۔ یہ طریقہ ہندو مذہبی معاملات میں بڑی اہمیت رکھتا ہے اور اس علم کے ماہرین زیادہ تر کیرالہ سے بلائے جاتے ہیں ۔ جن سے پیچیدہ معاملات میں سوالات کیے جاتے ہیں اور وہ پوجا پاٹ، ستاروں کی حرکات اور علم الاعداد کے جوڑ توڑ سے اندازے لگا کر جوابات دیتا ہے جس پر یقین کرلیا جاتا ہے اور اسی کو درست مانتے ہوئے عمل در آمد کیا جاتا ہے۔

ایک نظر اس پر بھی

بھٹکل میونسپل عمارت پر اُردو بورڈ تنازعہ؛ کیا وزیر اعلیٰ کا فون موصول ہونے پر ڈپٹی کمشنر نے اُردو عبارت کو ہٹانے کا دیا تھا حکم ؟ بھٹکل میں جمعہ سے سنیچر آدھی رات تک دفعہ 144 نافذ

بھٹکل  میونسپالٹی کی تزئین شدہ عمارت پر سے اُردو میں لکھی ہوئی   ٹاون میونسپل کونسل   کی عبارت کو بھلے ہی ڈپٹی کمشنر  نے    قانون  کا حوالہ دے کر نکال دیا ہو، مگر   بھٹکل رکن اسمبلی سُنیل نائک نے دعویٰ کیا ہے کہ  اُردو عبارت کو ہٹانے کے لئے اُس کی (سنیل نائک کی)ٰ کی کوششیں ...

کاروار: انسٹاگرام پر غیر ملکی خاتون سے دوستی پڑی مہنگی ۔ 4.90لاکھ روپوں سے ہاتھ دھو بیٹھا نوجوان

ہوناور گنونتے کے رہنے والے شریپاد ہیگڈے نامی ایک نوجوان کی دوستی پچھلے دنوں مبینہ طور پر ایک غیر ملکی خاتون سے ہوگئی۔ پھر وہاٹس ایپ چیاٹنگ کا سلسلہ شروع ہوا ۔ لیکن یہ دوستی شریپاد کو بڑی مھنگی پڑی کیونکہ خاتون کی طرف سے انعام و اکرام کی آس میں اس کو اپنے 4.90 لاکھ روپوں سے ہاتھ ...

بھٹکل میونسپالٹی اُردو بورڈ تنازعہ ؛ میونسپالٹی میٹنگ سے پہلے ہی ڈپٹی کمشنر کے حکم پر نکال دی گئی اُردو عبارت ؛ مسلمانوں میں سخت ناراضگی

بھٹکل میونسپالٹی کی عمارت پر  تین روز پہلے لگائے گئے  بورڈ پر سے آج بالاخر اُردو عبارت کو ہٹادیا گیا اور   عبارت کو  نکالنے کے لئے  میونسپالٹی  کی خصوصی طور پر بلائی گئی  جنرل بوڈی میٹنگ کا بھی انتظار نہیں کیا گیا ۔ جس کو لے کر مقامی مسلمانوں میں سخت  ناراضگی دیکھی جارہی ہے۔ 

بھٹکل سرکاری بس اسٹانڈ کے صحن کی درگت پر عوام برہم  : صحن کے گڑھوں میں گندا پانی جمع ہونے سے سواریوں اور عوام کو دشواری

بھٹکل کا نیا سرکاری بس اسٹانڈ تعمیر ہوکر دوبرس ہورہےہیں  لیکن  ابھی تک بس اسٹانڈ کا صحن مسطح نہیں کیاگیا ہے۔اور جہاں تہاں بڑے بڑے گڑھے بن جانے اور بارش کاپانی بھر جانے سے چھوٹے چھوٹے تالاب میں منتقل ہوگئے ہیں تو بسیں بس اسٹانڈ کے اندر جانے اور باہر نکلنے کے وقت سرکس کرتے ...

منگلورو : جنوبی کینرا میں زبردست بارش - سڑکیں بن گئیں تالاب - اسپتال میں گھسا پانی - نجی اسکولوں نے دی چھٹی 

گزشتہ دو دنوں سے برسنے والی بھاری بارش کی وجہ سے ایک طرف منگلورو شہر کی سڑکیں تالاب بن گئیں تو دوسری طرف برساتی پانی ایک پرائیویٹ اسپتال کے اندر گھس گیا ۔ موسلا دھار بارش کو دیکھتے ہوئے بعض نجی اسکولوں نے چھٹی کا اعلان کر دیا ۔  

کاروار : سٹی میونسپل کاونسل میں کام مکمل ہونے کے بعد ٹینڈر طلب کرنے کے خلاف ستیش سائل نے دیا دھرنا

سٹی میونسپل کاونسل میں کام پورا ہونے کے بعد ٹینڈر طلب کرنے کا معاملہ اٹھاتے ہوئے سابق ایم ایل اے ستیش سائل نے  سی ایم سی کمشنر آر پی نائک  کو آڑے ہاتھوں لینے بعد کے کمشنر کے چیمبر میں ہی دھرنا دیا ۔