منگلورو: بھاری برسات کے نتیجے میں سرکٹ ہاؤس کے قریب چٹان کھسک کر سڑک پر آ گئی
منگلورو22/جولائی (ایس او نیوز)شہر پر پچھلے تین چار دنوں سے ہورہی تیز بارش کے نتیجے میں سرکٹ ہاؤس سے بیجائی جانے والے راستے میں ایک چٹان کھسک گئی، جس سے کافی دیر تک اس مصروف ترین سڑک پر موٹر گاڑیوں کی آمد و رفت متاثر ہوئی۔
چونکہ اتوار کی رات سے بہت بھاری برسات ہورہی تھی اس کی وجہ سے چٹان کے ساتھ جو مٹی کے تودے سڑک پر گرے تھے وہ سب کیچڑ میں بدل گئے اور سڑک آمد ورفت کے قابل نہیں رہی۔ اطلاع ملتے ہی کدری ٹریفک پولیس کے افسران نے جائے حادثہ پر پہنچ کر حالات کو قابو میں رکھا۔ جے سی بی مشین کی مدد سے سڑک سے کیچڑ ہٹانے کے بعد سڑک کو ٹریفک کے لئے کھول دیاگیا۔