منگلورو : طلبہ کے درمیان گروہی تصادم - کئی طلبہ ہوئے زخمی -  پولیس نے مارا ہاسٹل پر چھاپہ - 6 طالب علم گرفتار ۔ مقامی لوگوں کا احتجاج ۔ ہاسٹل خالی کروانے کا مطالبہ  

Source: S.O. News Service | Published on 3rd December 2021, 8:20 PM | ساحلی خبریں | ریاستی خبریں |

منگلورو،3؍ نومبر (ایس او نیوز) شہر کے ایک ڈگری کالج میں زیر تعلیم اور گوجرکیرے علاقے میں واقع ہاسٹل میں قیام پزیر طلبہ کے دو گروہ آپس میں لڑ پڑے جس کے نتیجے میں بعض طلبہ زخمی بھی ہوگئے ۔ مار پیٹ اور تصادم کی اطلاع ملنے پر پولیس نے دیر رات ہاسٹل پر چھاپہ مار کر کئی طالب علموں کو گرفتار کر لیا ۔

بتایا جاتا ہے کہ کسی ذاتی معاملہ کی وجہ سے طلبہ کے درمیان رقابت اور مار پیٹ کا سلسلہ شروع ہوا ہے ۔ کیرالہ کے رہنے والے آدرش پریم کمار (21 سال) نامی طالب علم کی طرف سے پولیس کے پاس درج کی گئی شکایت کے مطابق جب وہ اپنی دوست ابھیرامی کے ساتھ بات چیت کررہا تھا تو اسی کالج میں زیر تعلیم  سنان اور اس کے 8 ساتھیوں نے اس پر انٹر لاکس اور پتھروں سے حملہ کردیا جس کی وجہ سے اس کا بایاں ہاتھ فریکچر ہوگیا ۔ اس حملہ میں محمد ناصف بھی زخمی ہوگیا ۔ آدرش نے اپنی شکایت میں کہا ہے کہ اس کے  حملہ آور ٹولی نے اس کے دوست شینین اور شراون کو جان سے مارنے کی دھمکی دی ۔

پولیس کا کہنا ہے کہ آدرش کی شکایت پر کارروائی کرتے ہوئے جب وہ شینین اور شروان کو تحفظ  دینے کے مقصد سے طلبہ کے ہاسٹل پہنچی تو پولیس سب انسپکٹر شیتل اور ان کی ٹیم پر انٹرلاکس، پتھر اور کرسیوں سے حملہ کیا گیا ، جس میں 5 پولیس والے زخمی ہوگئے ۔ 

ایک نیوز پورٹل کی ویب سائٹ  پر جاری ویڈیو کلپ میں صاف دیکھا جارہا ہے پولیس والے دیر رات گئے ہاسٹل کے اندر گھس کر بعض طلبہ کو گھسیٹتے ہوئے باہر لا رہے ہیں ۔ 

پولیس کے بیان کے مطابق اس نے اس ضمن میں آدتیہ، کین جانسن،محمد ، عبدالشاہد اور ویمل کو گرفتار کیا ہے جبکہ دیگر دو ملزمین فرار ہوگئے ہیں ۔  

پولیس کے پاس آدرش کے خلاف عبدالسنان کی طرف سے  جوابی شکایت (کاونٹر کمپلینٹ)  درج کروائی گئی ہے جس پر کارروائی کرتے ہوئے پولیس نے فہد، ابو طاہر، محمد نصیف اور آدرش کو گرفتار کرلیا ہے ۔ اس مار پیٹ میں زخمی ہونے والوں میں اسماعیل، جاد الغفور، تمیم، سنان اور اسماعیل انور نامی طلبہ بھی شامل ہیں ۔

مقامی لوگوں نے کیا احتجاج : طلبہ کے اس گروہی تصادم سے ناراض مقامی لوگوں نے کالج منیجمنٹ کے خلاف احتجاجی مظاہرا کرتے ہوئے کالج ہاسٹل کو طلبہ سے خالی کروانے کا مطالبہ کیا ۔ سٹی پولیس کمشنر این ششی کمار نے جائے واردات پر پہنچ کر حالات کا جائزہ لیا اور مقامی لوگوں کے ساتھ بات چیت کی ۔ مقامی لوگوں نے پولیس کمشنر سے شکایت کی کہ طلبہ کی طرف سے شور اور ہنگامہ برپا کرنا روز کا معمول ہوگیا ہے ۔ لیکن کل رات کا جھگڑا اپنی حدیں پار کر گیا ۔ مقامی لوگوں نے بتایا کہ آدھی رات کو چیخنا چلانا، بے پروائی سے گاڑیاں چلانا اور چھیڑ چھاڑ کرنا بالکونی میں نیم برہنہ حالت میں ٹہلنا ان طلبہ کی عادت بن گئی ہے ۔  دیپاولی کے موقع پر کچھ طلبہ نے ہاسٹل سے پڑوسیوں کے گھروں میں پٹاخے پھینکنے جیسی حرکت بھی کی ہے ۔ 

جب پولیس کمشنر نے بتایا کہ 6 طلبہ کو گرفتار کیا گیا ہے اور دو کیس درج کیے گئے ہیں تو مقامی لوگوں نے کہا کہ وہ لوگ بھی طلبہ کے خلاف شکایت درج کروانے کے لئے تیار ہیں ۔

متعلقہ کالج کی پرنسپال نے کہا : "کالج میں ریگنگ کے خلاف کارروائی کرنے والی کمیٹی ہے جو وقتاً فوقتاً متعلقہ ذمہ داران کو رپورٹ بھیجتی رہتی ہے ۔ آدرش نامی طالب علم کو اس سے قبل تین مرتبہ معطل کیا جا چکا ہے ۔ اس کے باوجود اس کی تعلیمی زندگی کا خیال کرتے ہوئے ہم نے اسے تعلیم جاری رکھنے کی اجازت دی تھی ۔ چند دن کے اندر اسے پھر سے معطل کیا جائے گا ۔" پرنسپال نے اس ہنگامہ کے لئے مقامی لوگوں سے معافی مانگتے ہوئے اس مسئلہ کو حل کرنے کے لئے مزید چند دنوں کی مہلت طلب کی ۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔