منگلورو،27؍مارچ (ایس او نیوز؍پی ٹی آئی) کورونا وائرس کی وجہ سے ملک گیر لاک ڈاؤن کے پیش نظر لازمی اشیاء گھروں پر پہنچانے کا انتظام کیا جارہا ہے۔ دکشن کنڑا کے ایم پی نلن کمار کٹیل نے یہ بات کہی۔
نلن کمار کٹیل نے اخباری نمائندوں کو بتایا کہ جمعرات سے منگلورو شہر مکمل طور پر بند رہے گااور سماجی دوری برقرار رکھنے کسی کو بھی گھر سے باہر نکلنے کی اجازت نہیں دی جائے گی۔
گزشتہ دو دنوں سے کرانہ اور ترکاریاں خریدنے بازار میں لوگوں کے زبردست ہجوم کو دیکھتے ہوئے گھروں اور اپارٹمنٹس میں ضروری اشیاء فراہم کرنے کی کوشش کی جارہی ہے۔
اس ضمن میں عہدیداروں کے ساتھ بات چیت جاری اور ڈیلیوری کے طریقہ کار پر عنقریب فیصلہ کیا جائے گا۔
منگلورو شہر میں کیرالہ کے کاسرگوڈ سے مریضوں کی بڑی تعداد کے داخل ہونے اور اسپتالوں میں ہجوم بڑھنے پر نلن کمار کٹیل نے کہا کہ گاڑیوں ، بشمول ایمولینس کو جمعرات سے سرحد پا کرنے کی اجازت نہیں دی جائے گی۔
انہوں نے کہا کہ ضلع انتظامیہ نے تمام سرحدوں کو مہر بند کردیا ہے۔ پولیس اور مقامی افراد نے مٹی کے ڈھیر لگا کر کوناجے کے قریب ڈی کے اور کاسرگوڈ کی سرحد کو بند کردیا گیا۔
کیرالا کرناٹک سرحد پر مقیم افراد خوفزدہ ہیں کیوں کہ کاسرگوڈ میں کورونا وائرس کے مریضوں کی تعداد میں دن بہ دن اضافہ ہورہا ہے۔ پولیس نے بھی چہارشنبہ کو شہر میں بلاوجہ موٹر سائیکل پر گھومنے والوں کے خلاف کارروائی کی جائے گی۔