منگلورو: فاسٹ ٹیگ کا پہلا دن۔ ٹول گیٹس پر گاڑیوں کی لمبی قطاریں۔ الجھنوں اور تکرار سے ٹول گیٹ اسٹاف پریشان

Source: S.O. News Service | Published on 16th December 2019, 11:56 AM | ساحلی خبریں | ریاستی خبریں |

منگلورو16/دسمبر (ایس او نیوز) جنوبی کینرا ور اڈپی  ضلع میں 15دسمبر سے نیشنل ہائی وے ۶۶ پر موٹر گاڑیوں کو ٹول گیٹس سے گزرنے کے لئے فاسٹ ٹیک  کا استعمال شروع ہوگیا ہے۔ اور تمام گاڑیوں کو فاسٹ ٹیگ  حاصل کرنے کی آخری  تاریخ میں 15جنوری تک کی توسیع کی گئی ہے۔

 فی الحال تمام ٹول گیٹس پرفاسٹ ٹیک  کوڈ والی گاڑیوں کے لئے الگ اور نقد ٹیکس اداکرنے والی گاڑیوں کے لئے  الگ قطاریں بنائی گئی ہیں۔ کچھ اضافی اسٹاف کو بھی تعینات کیا گیا ہے جو نقد ادائیگی کرنے والی اور فاسٹ ٹیک گاڑیوں کو الگ الگ قطاروں میں لگنے کے لئے رہنمائی کررہی ہیں۔اس کے علاوہ اسکینرس کے ساتھ بھی اضافی اسٹاف کو تعینات کیا گیا ہے۔

 مگر ساستھان، ہیجماڈی اورتلپاڑی جیسے مقامات پر بغیر فاسٹ ٹیک  والی گاڑیاں ان قطاروں میں گھس گئیں جو فاسٹ ٹیک گاڑیوں کے لئے مخصوص تھیں۔ ایسی صورت میں وہاں پر موجود عملے نے جب بغیر فاسٹ ٹیک  والی گاڑیوں سے دوہراٹیکس وصول کرنا شروع کیا تو گاڑی مالکا ن بھڑک اٹھے اور اسٹاف سے جھگڑنے لگے۔ جس کے نتیجے میں ٹول گیٹس پر ٹریفک جام ہوگیااور موٹر گاڑیوں کی لمبی لمبی قطاریں لگ گئیں۔

 تلپاڈی میں ٹول گیٹ کے پاس پرائیویٹ بس کے ڈرائیوروں اور ٹول گیٹ اسٹاف کے درمیان اس بات پر جھگڑا شروع ہوگیا کہ  اُن کے مقامی بسوں کو ٹیکس میں جو رعایت ملتی تھی اسے ختم کردیا گیا ہے۔ کافی دیر تک چلی تکرار کے بعد میں بس ڈرائیوروں نے ٹول گیٹ کے قریب ہی مسافروں کو اتارنا شروع کیااور وہاں سے مسافر پیدل ہی تلپاڈی کی طر ف جانے پر مجبور ہوگئے۔سورتکل گیٹ سے گزرنے کے بجائے بہت  سے گاڑی والوں نے مہالنگویشور ساحل سے ہوتے ہوئے راستےکواختیار کیا۔ 

 معلوم ہوا ہے کہ دن بھر ان ٹول گیٹس سے گزرنے والی گاڑیوں میں سے صرف 30% گاڑیوں کے پاس ہی فاسٹ ٹیک تھا۔ بقیہ گاڑیاں ابھی نقد ادائیگی والی قطاروں کا استعمال کررہی ہیں اور ہر ٹول گیٹ پر نقد سہولت والی قطاریں ،فاسٹ ٹیک کے مقابلے میں تعداد میں کم ہیں۔ اس کی وجہ سے وہاں بھاری بھیڑ لگ رہی ہے۔کشیدگی اور ناخوشگوار واقعات سے نمٹنے کے لئے تمام ٹول گیٹس پر کرناٹکا اسٹیٹ ریزرو پولیس اور ہائی وے پیٹرول گاڑیوں کے ذریعے اضافی تحفظ فراہم کیا گیا ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔