منگلورو 30؍ستمبر (ایس او نیوز) آج بدھ کی صبح کی اولین ساعتوں میں ہمپن کٹا پر واقع بینک آف بروڈا کے مین آفس میں حادثاتی طور پر آگ لگ گئی جس کی وجہ  سےبھاری نقصان ہوا ہے۔

بتایا جاتا ہے کہ صبح 5 بجے کے قریب بینک کے اندر شارٹ سرکیوٹ کی وجہ سے آگ لگی تھی، جس سے 5 ایئر کنڈیشنرس، کمپیوٹرس اور   دوسراالیکٹرانک ساز وسامان جل کر خاکستر ہوگیا۔  آتشزدگی کی خبر ملتے ہی فائر بریگیڈ عملہ موقع پر پہنچ گیا اور آ گ پر قابو پالیاگیا۔بینک کے افسران نے نوٹس جاری کرتے ہوئے گاہکوں کو اطلاع دی ہے کہ اگرچہ اس دفتر میں لگی آگ پر قابو پالیا گیا ہے، مگر حادثے کی وجہ سے یہاں کا نظام درہم برہم ہوگیا ہے، اس لئے اس شاخ سے متعلقہ سروس فالنیر اورجیوتی سرکل پر  موجود بینک آف بروڈا کی شاخوں سے انجام دی جائیں گی۔