جنوبی کینرا ایس پی رشی کیش کا ہوا تبادلہ - اماتھے وکرم ہونگے نئے سپرنٹنڈنٹ آف پولیس
منگلورو ،یکم فروری (ایس او نیوز) ریاستی حکومت کی طرف سے جاری کیے گئے حکم نامہ کے مطابق جنوبی کینرا کے ایس پی رشی کیش بھگوان سوناونے کا تبادلہ ایس پی انٹلی جنس کے طور پر کیا گیا اور ان کی جگہ 2021 بیچ کے آئی پی ایس اماتھے وکرم کو ضلع سپرنٹنڈنٹ کے منصب پر تعینات کیا گیا ہے ۔
رشی کیش بھگوان نے جنوبی کینرا کے ایس پی کی حیثیت سے تقریباً دو سال تک خدمات انجام دیں ۔ لا اینڈ آرڈر کی صورتحال کو بہتر اور جرائم پر قابو پانے میں وہ بڑی حد تک کامیاب رہے ۔ جبکہ اب ضلع ایس پی کی حیثیت سے تعینات کیے گئے وکرم اماتھے ایس پی انٹلی جنس کی حیثیت سے خدمات انجام دے رہے تھے ۔