دکشن کنڑا ضلع کی سابق دپٹی کمشنر سندھو روپیش کو موت کی دھمکی دینے والا نوجوان گرفتار
منگلورو،30؍جولائی (ایس او نیوز) دکشن کنڑا ضلع کی سابق ڈپٹی کمشنر سندھو بی روپیش کو موت کی دھمکی دینے پر ایک نوجوان کو گرفتار کر لیا گیا۔
سندھو نے قانونی طور پر مویشیوں کو منتقل کرنے والوں پر حملوں کے خلاف قانونی کارروائی کا انتباہ دیا تھا۔ میجار کے رہائشی رنجیت کوواٹس ایپ گروپ پر روپیش کو قتل کی دھمکی دینے پر گرفتار کر لیا گیا۔ اسی دھمکی کے اسکرین شاٹس سوشیل میڈیا پر وائرل ہوگئے تھے۔ یہ دھمکی سابق ڈپٹی کمشنر کی جانب سے مویشیوں کی قانونی طور پر منتقلی کرنے والے افراد پر حملوں کے خلاف سخت کارروائی کرنے کا انتباہ دینے پر احتجاجاً دی گئی تھی۔
دلچسپ بات یہ ہے حکومت نے روپیش کا تبادلہ کر کے ان کی جگہ کے وی راجندر کو دکشن کنڑا ضلع کی سابق ڈپٹی کمشنر مقرر کیا ہے۔
دریں اثناء دکشن کنڑا کے انچارج وزیر کوٹہ سرینواس پجاری نے منگلورو کے رکن اسمبلی یوٹی قادر کے اس الزام کی تردید کہ ڈی سی کا تبادلہ سیاسی وجوہات کی بناء پر کیا گیا۔ انہوں نےصحافیوں کو بتایا کہ عہدیداروں کے معمول کے تبادلوں کے دوران یہ تبادلہ ہوا ہے۔ پولیس ڈپٹی کمشنر کو موت کی دھمکی دینے والوں کے خلاف کیس درج کرچکی ہے۔