منگلورو 9/ جون (ایس او نیوز) کدری میں پِنٹو لین کے ایک مکان میں رہنے والے میاں بیوی کے ایک جوڑے نے مالی دشواریوں سے تنگ آکر بیک وقت خودکشی کرلی ۔

    موصولہ رپورٹ کے مطابق مہلوک شوہر کا نام سریش (62 سال) اور بیوی کا نام وانی (5 سال) ہے۔  سریش کی لاش قریب کے کنویں سے برآمد ہوئی ہے جبکہ بیوی کی لاش گھر کے اندر پھانسی کے پھندے سے لٹکتی ہوئی پائی گئی ہے۔

پولیس ذرائع کا کہنا ہے کہ ان کے گھر سے جو چٹھی ملی ہے اس میں چِٹ فنڈ میں خسارہ ہونے کی بات کہی گئی ہے۔ مہلوک خاتون کے بارے میں بتایا گیا ہے کہ وہ ایک نجی کالج میں کلرک کے طور پر ملازمت کررہی تھی۔

کدری پولیس نے جائے وقوع پر پہنچ کر معائنہ کیا اور کیس درج کرنے کے بعد تحقیقات شروع کردی ہے۔