کورونا اَپ ڈیٹ:جنوبی کینرامیں آج صبح سے اب تک ہوئی 2افراد کی موت۔ضلع میں ہلاک ہونے والوں کی تعداد ہوئی 22
منگلورو،4/جولائی (ایس او نیوز) جنوبی کینرا میں کورونا وباء کے اثرات بہت زیادہ سنگین صورت اختیار کرتے جارہے ہیں۔ آج صبح سے اب تک کووِڈ کے 2 مریض موت کا شکار ہوگئے ہیں جس کے بعد ضلع میں وباء کی وجہ سے ہلاک ہونے والوں کی تعداد 22ہوگئی ہے۔
خیال رہے کہ آج صبح سولیا کے رہنے والی اس مریضہ کی جانچ رپورٹ کووِڈ پوزیٹیو آئی تھی جسے کچھ دوسرے امراض کے ساتھ منگلورو کے ہاسپٹل میں داخل کیا گیا تھا۔ اور بعد میں جانچ رپورٹ آنے سے قبل ہی اس کی موت واقع ہوگئی تھی۔
معلوم ہوا ہے کہ اس عمر رسیدہ مریضہ کو ایک ہفتے قبل بیماریوں کے علاج کے لئے تعلقہ سرکاری اسپتال کے آئی سی یو یونٹ میں داخل کیا گیا تھا۔اسی دوران منگلورو کے اسپتال میں علاج کرکے آئے ہوئے ایک اور عمر رسیدہ مریض کو اسی وارڈ میں داخل کیا گیا اور اس شخص کی رپورٹ بعد میں کورونا پوزیٹیو نکلی۔ اس کے بعدجب اسپتال کے عملے کا کووِڈ ٹیسٹ کروایا گیا تو اس میں مہلوک مریضہ کی تیمارداری کرنے والی نرس کی رپورٹ بھی کورونا پوزیٹیو نکلی ہے۔
اس کے بعدآج جن 2مریضوں کی ہلاکت ہونے کی خبر آئی ہے، ان کی تفصیلات ابھی سامنے نہیں آئی ہیں۔