منگلورو : فِش پروسیسنگ فیکٹری میں کیمیکل لیکیج ۔ 20 ملازمین کو کیا گیا اسپتال میں داخل
منگلورو،11؍ جنوری (ایس او نیوز) بائکمپاڈی انڈسٹریل ایریا میں واقع ایک فِش پروسیسنگ فیکٹری میں کیمیکل لیکیج کا معاملہ پیش آیا جس کے بعد متاثرہ 20 ملازمین کو علاج کے لئے اسپتال میں داخل کیا گیا۔
بتایا جاتا ہے کیمیاوی رساو کا یہ معاملہ پانمبور پولیس اسٹیشن کے حدود میں قائم ایوریسٹ سی فوڈس پرائیویٹ لمیٹیڈ میں پیش آیا ۔ جس وقت کیمیکل لیکیج ہوا اس وقت فیکٹری میں 80 کے قریب ملازمین موجود تھے ۔ ان میں 20 ملازمین کو سرینواس میڈیکل کالج کے ہاسپٹل میں داخل کیا گیا ہے۔