منگلورو،13؍ جون (ایس او نیوز) منگلورو ایئرپورٹ پر بم کی موجودگی سے دہشت کے 5 ماہ بعد کرناٹک پولیس نے ملزم آدتیہ راؤ کے خلاف 700 صفحات پر مشتمل چارج شیٹ داخل ۔اس میں بتایا گیا ہے کہ آدتیہ راؤ نے دہشت پیدا کرنے کی غرض سے یہ آئی ای ڈی نصب کیا تھا۔ یوم جمہوریہ سے قبل 20 ؍ جنوری کو منگلورو انٹر نیشنل ائیر پورٹ کے خروج گیٹ کے قریب لاروارٹ بیاگ میں ’’زندہ‘‘ بم برآمد ہوا جس سے سراسیمگی پھیل گئی تھی۔ یہ چارج شیٹ جوڈیشل مجسٹر یٹ عدالت میں تحقیقاتی آفیسر اسسٹنٹ کمشنر پولیس کے یوبیلی اپّا نے ریاستی داخلہ سکریٹری اور ضلع دپٹی کمشنر سے منظوری حاصل کرنے کے بعد جمعرات کو داخل کی۔

آدتیہ راؤ پر ایم آئی اے ٹرمینل بلڈنگ کے ٹکٹ کاؤنٹر کے قریب بم سے بھرا بیاگ رکھ کر آٹو رکشا کے ذریعہ وہاں سے فرار ہونے کا الزام ہے۔ بعد ازاں اس نے بنگلورو میں پولیس کے آگے خود سپردگی کی تھی اور گرفتار کر لیا گیا ۔ اس کے خلاف یواے پی اے قانون کے تحت مقدمہ درج کیا گیا ۔ فارنسک لیباریٹریز کی رپورٹس کی بنیاد پر تیار کردہ تفصیلی چارج شیٹ کہتی ہے کہ اس نے ایئر پورٹ کے مسافرین میں دہشت پیدا کرنے یہ بم رکھا تھا ۔ کیس کی تحقیقات اپریل میں مکمل ہوگئی اور چارج شیٹ ریاستی حکومت کی منظوری کے لیے بھیجی گئی تھی۔