منگلورو۔بنگلورو ٹرین خدمات چھ ماہ بعد بحال
منگلورو،6؍ستمبر(ایس او نیوز) منگلورو اور بنگلورو کے درمیان ٹرین خدمات چھ ماہ کے وقفہ کے بعد جمعہ سے بحال ہوگئیں۔ریلولے بورڈ نے ساؤتھ ویسٹرن ریلوے ڈیویژن میں تین خصوصی ٹرینیں چلانے کی منظوری دی۔
واضح رہے کہ کورونا وائرس اور لاک ڈاؤن کے سبب مارچ سے ٹرین خدمات معطل تھیں۔بیان کے مطابق بنگلورو تا منگلورو ٹرین خدمات کا جمعہ سے آغاز ہوگا جبکہ منگلورو تا بنگلورو ٹرین خدمات کا اتوار 6؍ ستمبر سے آغاز ہوگا۔یہ ٹرینیں ہفتہ میں چار دن چلائی جائیں گی۔ یشونت پور تا کاروار ٹرین جمعہ کو شام 6:45 بجے روانہ ہوئی اور واپسی کی ٹرین ہفتہ کو 6 بجے شام کاروار سے روانہ ہوگی۔
بنگلورو تا منگلورو ٹرین جو ہفتے میں تین دن چلتی ہے 6 ؍ستمبر سے بحال ہوگی اور واپسی کی ٹرین ہفتہ کو منگلورو سے روانہ ہوگی۔ یہ ٹرینیں کووڈ احتیاطی اقدامات پر عمل کرتے ہوئے چلیں گی۔ ٹکٹوں کی اڈوانس بکنگ ہوگی۔