منگلورو۔بنگلورو ریلوے سرویس شروع کرنے کا مطالبہ
منگلورو؍بنگلورو،18؍اگست(ایس او نیوز)ہر وقت مسافروں سے بھر پور رہنے والا منگلورو سنٹرل ریلوے اسٹیشن گزشتہ 5 ؍ ماہ سے ریل گاڑیوں کی سرویس نہ ہونے سے سنسنان نظر آرہا ہے ۔ تاہم اب منگلورو۔ بنگلورو کے درمیان کم سے کم ایک ریل گاڑی شروع کرنے کا مسافروں نے مطالبہ کیا ہے ۔
اطلاع کے مطابق منگلورو سنٹرل ریلوے اسٹیشن سے روزانہ تقریباً 30 ؍ ہزار مسافر آتے تھے۔ لیکن 21 ؍ مارچ سے لا ک ڈاؤن کے بعد پورا اسٹیشن ٹھپ پڑگیا ۔ منگلورو سنٹرل ریلوے اسٹیشن تا بنگلورو سٹی۔ منگلورو ۔کتور، کاروار اور منگلورو ۔ یشونت پور اور منگلور و جنکشن تا بنگلورو۔ منگلورو کاروبار اور منگلورو ۔ یشونت پور گومٹیشور ا یکسپریس گاڑیاں دوڑ رہی ہیں لیکن 21 ؍ مارچ سے کورونا کے پیش نظر یہ سروس ٹھپ پڑی ہوئی ہے۔
ساحلی ریلوے مسافروں کی تنظیم کے صلاح کار انیل ہیگڈے نے مطالبہ کیا ہے کہ بنگلورو۔ بیلگاوی ، بنگلورو۔ میسورو ریل سرویس کاآغاز ہوچکا ہے۔ اسی طرز پر منگلورو تا بنگلورو سرویس شروع کی جائے۔
مرکزی مملکتی وزیر برائے ریلویز سریش انگڈی نے بتایا کل 12700 ریل گاڑیوں میں صرف 230 کی ریل سرویس کو اجازت دی گئی ہے اور اگر ایمرجنسی ریل سرویس کی ضرورت ہے تو متعلقہ ریاستوں سے مطالبہ کیا گیا تو غور کیا جائے گا۔