منگلورو: ڈینٹل کالج کے ایسوسی ایٹ پروفیسر کی پراسرار موت 

Source: S.O. News Service | By Shahid Mukhtesar | Published on 22nd July 2019, 11:34 AM | ساحلی خبریں |

منگلورو22/جولائی (ایس او نیوز) ڈیرلکٹّہ میں واقع ایک ڈینٹل کالج سے منسلک ایسو سی ایٹ پروفیسر ڈاکٹرناگیش کمار کی پراسرار حالت میں موت واقع ہوگئی ہے، جس کے بارے میں پولیس تحقیقا ت میں مصروف ہوگئی ہے۔

 بتایاجاتا ہے کہ ڈاکٹر ناگیش کمار(35سال) سرسی کے رہنے والے لکشمن منجو ناتھ کا بیٹا ہے۔وہ ڈینٹل کالج کے ریڈیولوجی ڈپارٹمنٹ میں ایسو سی ایٹ پروفیسر کی خدمات انجام دے رہا تھا۔ جمعہ کے دن کالج میں تفویض کردہ ذمہ داریاں انجام دینے کے بعد وہ کالج کیمپس میں واقع اپنے کوارٹر میں واپس لوٹاتھا۔ سنیچر کی صبح جب گھریلو ملازم صفائی کے لئے اس کے کوارٹر پر پہنچا تو دروازہ بند تھا۔ ملازم یہ سوچ کر واپس لوٹ گیا کہ شاید کمار کہیں باہر چلا گیا ہوگا۔ سنیچر کی شام کو کمار کے والد نے اس کے ساتھیوں کو فون کرکے بتایا کہ جمعہ کی رات سے ان کا بیٹا فون ریسیو نہیں کررہا ہے اس لئے ذرا اس کی خیریت معلوم کریں۔ جب کمار کے ساتھی اس کے کوارٹر پر پہنچے تو کمرہ اندر سے بندتھا اور پکارنے پر کوئی جواب نہیں مل رہاتھا۔ پھر انہوں نے الال پولیس کو خبر کردی تو پولیس نے موقع پر پہنچ کر سیکیوریٹی اسٹاف کی موجودگی میں گھر کے دروازے کا قفل توڑکر دیکھا توگھر کے اندر پلنگ پرناگیش کمار کی لاش پڑی ہوئی تھی اور اس کے ہونٹوں پر جھاگ جمی ہوئی تھی۔

الال پولیس نے لاش کو اپنے قبضے میں لیتے ہوئے غیر فطری موت کا معاملہ درج کرلیا ہے۔ اور کہا ہے کہ پوسٹ مارٹم رپورٹ موصول ہونے پر ہی موت کے اسباب کا پتہ چل سکے گا۔

ایک نظر اس پر بھی

بھٹکل: مرڈیشور میں راہ چلتی خاتون کو اغوا کرنے کی کوشش ہوگئی ناکام؛ علاقہ میں تشویش کی لہر

تعلقہ کے مرڈیشور میں ایک خاتون کو اغوا کرنے کی کوشش اُس وقت  ناکام ہوگئی جب اُس نے ہاتھ پکڑ کھینچتے وقت چلانا اور مدد کے لئے پکارنا شروع کردیا،  وارات  منگل کی شب قریب نو بجے مرڈیشور کے نیشنل کالونی میں پیش آئی۔واقعے کے بعد بعد نہ صرف مرڈیشور بلکہ بھٹکل میں بھی تشویش کی لہر ...

کیا شمالی کینرا سے شیورام ہیبار کے لئے وزارت کا قلمدان محفوظ رکھا گیا ہے؟

کرناٹکاکے وزیراعلیٰ  ایڈی یورپا نے دو دن پہلے اپنی کابینہ کی جو تشکیل کی ہے اس میں ریاست کے 13اضلاع کو اہمیت دیتے ہوئے وہاں کے نمائندوں کو وزارتی قلمدان سے نوازا گیا ہے۔اور بقیہ 17اضلاع کو ابھی کابینہ میں نمائندگی نہیں دی گئی ہے۔

ساگر مالا منصوبہ: انکولہ سے بیلے کیری تک ریلوے لائن بچھانے کے لئے خاموشی کے ساتھ کیاجارہا ہے سروے۔ سیکڑوں لوگوں کی زمینیں منصوبے کی زد میں آنے کا خدشہ 

انکولہ کونکن ریلوے اسٹیشن سے بیلے کیری بندرگاہ تک ’ساگر مالا‘ منصوبے کے تحت ریلوے رابطے کے لئے لائن بچھانے کا پلان بنایا گیا اور خاموشی کے ساتھ اس علاقے کا سروے کیا جارہا ہے۔

ماڈرن زندگی کا المیہ: انسانوں میں خودکشی کا بڑھتا ہوا رجحان۔ ضلع شمالی کینرا میں درج ہوئے ڈھائی سال میں 641معاملات!

جدید تہذیب اور مادی ترقی نے جہاں انسانوں کو بہت ساری سہولتیں اور آسانیاں فراہم کی ہیں، وہیں پر زندگی جینا بھی اتنا ہی مشکل کردیا ہے۔ جس کے نتیجے میں عام لوگوں اور خاص کرکے نوجوانوں میں خودکشی کا رجحان بڑھتا جارہا ہے۔

منگلورو پولیس نے ایک اور مشکوک کار کو پکڑا؛ پنجاب نمبر پلیٹ والی کار کے تعلق سے پولس کو شکوک و شبہات

دو دن دن پہلے لٹیروں اور جعلسازوں کی ایک ٹولی کے قبضے سے منگلورو پولیس نے ایسی کار ضبط کی تھی جس پر نیشنل کرائم انویسٹی گیشن بیوریو، گورنمنٹ آف انڈیا لکھا ہوا تھا۔اب مزید ایک مشکوک کار کو پولیس نے اپنے قبضے میں لیا ہے۔ جس پر بھی گورنمینٹ آف انڈیا لکھا ہوا ہے۔