منگلورو13/فروری (ایس او نیوز) منگلورو انٹر نیشنل ایئر پورٹ کے کسٹمز افسران نے ایئر انڈیا کی فلائٹ سے آنے والے ایک مسافر کے قبضے سے 233.18 گرام سونا ضبط کیا ہے جس کی مالیت 9.39لاکھ روپے بتائی جاتی ہے۔
غیر قانونی طور پر سونا اسمگل کرنے کے الزام میں جس مسافر کوحراست میں لیاگیا اس کانام محمد ماہر پاٹلا مجید (24سال)بتایاجاتا ہے جو کہ کاسرگوڈ کیرالہ کا رہنے والا ہے۔اس نے چارجنگ ایمرجنسی لائٹ کے اندر سونے کی پٹیاں چھپارکھی تھیں۔اس کی چا ل ڈھال پر نظر رکھنے والے کسٹمز افسران نے اس کو روک کر تلاشی لی تو چھپایا گیا سونا برآمد ہوا۔