منگلورو : ریاست کرناٹک کے 15 غیر قانونی ٹول پلازہ کو بند کرنے سی پی ایم کا مطالبہ
منگلورو ،29 ؍ نومبر (ایس او نیوز) کمیونسٹ پارٹی مارکسسٹ (سی پی ایم) نے مطالبہ کیا ہے کہ ریاست کرناٹکا میں موجود 15 غیر قانونی ٹول پلازاس کو بند کیا جائے اور ٹول کلیکشن کے بارے میں عدالتی تحقیقات کروائی جائے ۔
سی پی ایم کے ریاستی سیکریٹری یو بسوا راج نے کہا کہ "اسمبلی میں اس پر بحث ہوئی تھی کہ ریاست میں 15 سے زائد ایسے ٹول پلازہ ہیں جو غیر قانونی ہیں۔ ایسے تمام پلازاس کو بند کردینا چاہیے ۔ یہ عوام کو لوٹ رہے ہیں ۔ جملہ ٹول کلیکشن کے بارے میں عدالتی تحقیقات ہونی چاہیے ۔"
سی پی ایم نے سورتکل گیٹ کو ہیجماڈی گیٹ میں ضم کرنے کی بھی مذمت کی ۔ انہوں نے کہا کہ :"عوام میں فکر اور تشویش ہے ، کیونکہ سورتکل گیٹ ہٹانے سے انہیں کوئی فائدہ نہیں پہنچا ہے ۔ الٹے انہیں اضافی پیسے خرچ کرنے پڑیں گے ۔ یہ عوام کو ہراساں کرنے اور لوٹنے والی بات ہے ۔ "