بھٹکل یکم / اکتوبر (ایس او نیوز)  پاپولر فرنٹ آف انڈیا (پی ایف آئی)  پر ملک گیر چھاپہ ماری کے موقع پر منگلورو، کنداپور، سرسی، ہاسن وغیرہ علاقوں کے لیڈران اور کارکنان کو احتیاطی طور پر حراست میں لیا گیا تھا جس میں سے کئی لیڈران اور کارکنان کو ضمانت پر رہا کئے جانے کی اطلاع ملی ہے۔

بتایا گیا ہے کہ ان تمام لوگوں کو احتیاطی طور پر حراست میں رکھا گیا تھا، جنہیں تحصیلدار کورٹ سے ضمانت پر رہا کیا گیا  ہے۔

مینگلور سے ملی اطلاع کے مطابق الال اور منگلورو تحصیلدار کورٹ سے ضمانت پر رہائی پانے والوں کے نام محمد شریف پانڈیشور  ، کُدرولی کے مظاہر،  محمد نوفل حمزہ، تلپاڈی کے سی نگر کے شبیر احمد، نواز اُلال، اُلائی بیٹّو محمد اقبال،  کرشنا پور کے داود نوشاد،  کے پی نگر کے نظیر محمد، اسماعیل انجینئر، ابراہیم موڈبیدری۔  اس کے علاوہ پتور میں ایک ، بنٹوال میں تین اور موڈ بیدری میں دو لیڈروں کو رہا کیے جانے کی خبر ہے ۔

ایس ڈی پی آئی کے ایک ذرائع نے بتایا کہ پی ایف آئی لیڈران اور کارکنان کے ساتھ  پولس نے  احتیاطی طور پر  ایس ڈی پی آئی کے ریاستی جنرل سکریٹری  آفسر کوڈلی پیٹ کو ہاسن جانے کےدوران گرفتار کیا تھا، اُن کی بھی ضمانت ہوگئی ہے، اسی طرح ضلع ہاسن کے ایس ڈی پی آئی جنرل سکریٹری سید فرید، کیمپس فرنٹ آف انڈیا (سی ایف آئی) کے ریاستی سکریٹری سرفراز گنگاوتی، کنداپور پی ایف آئی کے لیڈر آصف،  سرسی پی ایف آئی کے عبدالرزاق، عطاء اللہ اور عرفان کو بھی ضمانت پر رہا کیا گیا ہے۔

یاد رہے کہ ان تمام کو دوسرے مرحلہ کے کریک ڈوان کے موقع پر 28 ستمبر کو گرفتار کیا گیا تھا اور بتایا گیا تھا کہ ان کو احتیاط کے طور پر حراست میں لیا گیاہے۔