ایئر انڈیا طیارے میں اوور بکنگ کی وجہ سے بورڈنگ پاس نہیں ملا۔ بیمار مسافر ممبئی ایئر پورٹ پرہوگیا فوت 

Source: S.O. News Service | By I.G. Bhatkali | Published on 10th July 2019, 1:41 PM | ساحلی خبریں | ریاستی خبریں | ملکی خبریں |

ممبئی 10/جولائی (ایس او نیوز)منگلورو کے رہنے والے ولیم فرنانڈیز نامی ایک بیمار مسافرکو ٹکٹ رہنے کے باوجود وقت پر سفر کرنے کے لئے ایئر انڈیا نے بورڈ پاس نہیں دیا اور اس کے سفر کو ایک دن کے ملتوی کردیا، لیکن دوسرے ایئر پورٹ پہنچتے تک ولیم اس دنیا سے رخصت ہوگیا۔

بتایا جاتا ہے کہ ولیم فرنانڈیز ایک نرس کے طور تل ابیب میں خدمات انجام دے رہا تھا۔ایک حادثے کے بعد اس کی ریڑھ کی ہڈی میں مسئلہ پیدا ہوگیا تھااس لئے ولیم علاج کے لئے منگلورو لوٹ رہاتھا۔وہ اپنے ساتھی ارون فرنانڈیز کے ساتھ تل ابیب سے پیر کی صبح 7.30بجے۔ ممبئی پہنچنے کے بعد وہاں سے 10.25 کو پرواز کرنے والے ایئر انڈیا طیارے کے ذریعے منگلورو آناتھا۔ اورمنگل کی صبح اس کی بیوی اور دو بچے منگلورو انٹرنیشنل ایئرپورٹ پر اس کا انتظار کررہے تھے۔

موصولہ خبر کے مطابق ولیم فرنانڈیز اور اس کا ساتھی ارون فرنانڈیز 8.30بجے ایئر انڈیا کے کاؤنٹر پر پہنچے تو ان کا سامان چیک اِن کرنے کے بعدانہیں بورڈنگ پاس نہیں دیاگیا اور کچھ دیر انتظار کرنے کے لئے کہا گیا۔ پھر تھوڑی دیربعد ایئر انڈیا کے ایک آفیسر نے بتایا کہ طیارے میں اوور بکنگ ہوگئی ہے اس لئے اس جہاز میں ولیم اور اس کے ساتھی کو جگہ نہیں مل سکتی۔ یاتو انہیں گوا جانے والے طیارے سے سفر کرنا ہوگا اور وہاں ٹیکسی کے ذریعے منگلوروجانا ہوگا یا پھر ایئر انڈیا کے ذریعے ایک دن ہوٹل میں رکنے کا انتظام کیاجائے گا اور دوسرے دن وہ پرواز کر سکیں گے۔

ارون فرنانڈیز کے بیان کے مطابق چونکہ ولیم کو چلنے پھرنے میں دقت تھی اور وہ وھیل چیئر استعمال کرتا تھا اس لئے گوا جانا اور ٹیکسی میں سفر کرناممکن نہیں تھا۔ اس لئے انہوں نے ہوٹل میں قیام کو ترجیح دی۔ مگر دوسرے د ن منگل کی صبح جب وہ کار میں ایئر پورٹ پہنچے اور ارون باہرنکل کر وھیل چیئر لے کر کارکی طرف واپس لوٹا تو ولیم کار کی سیٹ پر بے ہوش پڑا تھا۔ ایئر پورٹ کے ڈاکٹروں نے فوراً موقع پر پہنچ کر معائنہ کیااور بتایا کہ ولیم کی موت واقع ہوچکی ہے۔ارون کے مطابق ہوٹل سے نکلتے وقت ولیم نے کسی تکلیف کا اظہار نہیں کیا تھامگر اچانک موت کے اسباب جاننے کے لئے ممبئی کے کوپر اسپتال میں لاش کا پوسٹ مارٹم کیا گیااور طبی معائنے کے لئے کچھ نمونے لیے گئے۔ 

 ولیم کے گھر والوں نے ایئر انڈیا پر ایک مریض کے ساتھ ترجیحی معاملہ کرنے کے بجائے بے حسی دکھانے کا الزام لگایا ہے۔خیال رہے کہ تیز برسات کی وجہ سے یوں بھی ممبی سے اڑنے والے طیاروں کا نظام ابتر ہوگیا ہے۔ ایئر انڈیا کے افسران کا کہنا ہے کہ ولیم یا اس کے ساتھی نے کوئی میڈیکل ایمرجنسی ہونے کی با ت انہیں بتائی نہیں تھی۔مگر ولیم کے گھر والے اور دوست احباب کا کہنا ہے کہ ولیم وھیل چیئر استعمال کرنے والا مریض ہونے کی وجہ سے طیارے میں اوور بکنگ کے بعد بھی اس کے سفر کو ملتوی کرنے کے بجائے سفر کی اجازت دینا لازمی تھا۔

 پتہ چلا ہے کہ ولیم فرنانڈیز کے گھر والے ایئر انڈیا کے خلاف مقدمہ دائر کرنے کی تیاری کررہے ہیں اور اس کے لئے ضروری دستاویزات حاصل کی جارہی ہیں۔

ایک نظر اس پر بھی

انجمن ِ اسلام اور اترکنڑامسلم تنظیموں کی جانب سے ہبلی میں حج بھون تعمیرکا مطالبہ : میمورنڈم

ریاست کرناٹکا کے 9اضلاع پر مشتمل شمالی کرناٹکا کے لئے ہبلی میں حج بھون تعمیر کا مطالبہ لےکر دھارواڑ ضلع انجمن ِ اسلام کے ممبران سمیت دیگر مسلم تنظیموں کے عہدیداران نے اترکنڑا ضلع انتظامیہ کی جانب سے اترکنڑا ضلع اپر ڈپٹی کمشنر ناگراج سنگریر کو میمورنڈم سونپا۔

اُترکنڑا میں صبح سے زبردست بارش؛ سداپور میں چلتی بائک پر درخت گرنے سے فوریسٹ آفسر ہلاک؛ انکولہ میں ریلوے پٹری پر چٹان کھسکنے سے کچھ گھنٹوں کے لئے سروس متاثر

اُترکنڑا میں ضلعی انتظامیہ کی جانب سے ریڈ الرٹ جاری کرنے کے بعد آج منگل کو صبح چھ بجے سے صبح آٹھ بجے تک زبردست بارش ہوئی جس کے نتیجے میں بعض علاقوں سے نقصانات کی بھی خبریں آرہی ہیں۔  بارش  کے تیز تیور دیکھتے ہی   ڈپٹی کمشنر نے  صبح اسکول کھلنے سے قبل ہی تمام اسکولوں اور ...

منگلورو۔بنگلوروٹریک پرچٹان توڑنے کا کام مسلسل جاری۔ دن کے وقت چلنے والی ریل گاڑیاں 24جولائی تک کے لئے منسوخ

انی بندا کے قریب سبرامنیا سکلیشپور ریلوے ٹریک پر ایک بڑی چٹان لڑھکنے کا خطرہ پیدا ہوگیا تھا۔ اس حادثے کو روکنے کے لئے پہاڑی تودے کو دھماکے سے توڑنے کاکام پچھلے دو تین دن سے جاری ہے جس کے لئے ہیٹاچی مشین کے کامپریسر اور بارود کا استعمال کیا جارہا ہے۔ لیکن تیز برسات کی وجہ سے دن ...

منگلورومیں بارش کا قہر۔ چٹانیں کھسکنے، درخت اور بجلی کے کھمبے اکھڑنے سے مکانات اور موٹر گاڑیوں کو پہنچا نقصان۔ ضلع انتظامیہ نے جاری کیا ریڈ الرٹ

پچھلے چار پانچ دنوں سے ضلع شمالی کینرا میں جاری تیز بارش کی وجہ سے بھاری نقصانات کی خبریں مل رہی ہیں۔ چونکہ محکمہ موسمیات نے 27جولائی تک تیز بارش کا سلسلہ جاری رہنے کی پیشین گوئی کی ہے اس لئے ضلع انتظامیہ نے ریڈالرٹ جاری کیا ہے۔

ساحلی کرناٹکا میں موسلادھار بارش کا سلسلہ جاری؛ اُترکنڑا میں ریڈ الرٹ؛ ساگرروڈ پر غیر قانونی باکڑوں کو نہ ہٹانے کے پیچھے کیا راز ؟ مینگلور اور اُڈپی میں منگل کو اسکولوں اور کالجوں میں چھٹی

ساحلی کرناٹکا بشمول اُتر کنڑا، اُڈپی اور دکشن کنڑا میں  اتوار سے  جاری زوردار بارش کا سلسلہ آج پیر کو بھی جاری رہا جس سے  کئی علاقوں میں راستے تالاب میں تبدیل ہوگئے،  اس درمیان  محکمہ موسمیات کی جانب سے  بتایا گیا ہے کہ  کل اتوار کو بھٹکل میں جو زبردست بارش ہوئی، اُس کی ...

منگلورو۔بنگلوروٹریک پرچٹان توڑنے کا کام مسلسل جاری۔ دن کے وقت چلنے والی ریل گاڑیاں 24جولائی تک کے لئے منسوخ

انی بندا کے قریب سبرامنیا سکلیشپور ریلوے ٹریک پر ایک بڑی چٹان لڑھکنے کا خطرہ پیدا ہوگیا تھا۔ اس حادثے کو روکنے کے لئے پہاڑی تودے کو دھماکے سے توڑنے کاکام پچھلے دو تین دن سے جاری ہے جس کے لئے ہیٹاچی مشین کے کامپریسر اور بارود کا استعمال کیا جارہا ہے۔ لیکن تیز برسات کی وجہ سے دن ...

کرناٹک: بی ایس پی ارکان اسمبلی کمارسوامی کے حق میں ووٹ کریں گے:مایاوتی

کرناٹک میں کانگریس اورجے ڈی ایس کی مخلوط حکومت رہے گی یا جائے گی اس کا فیصلہ آج ہو جائے گا ۔ برسر اقتدار اتحاد کے ارکان اسمبلی کو بی جے پی ٹوڑنے کی کوشش کر رہی ہے لیکن اس بیچ بی ایس پی سپریموں نے کہا ہے کہ اس کی پارٹی کے ارکان اسمبلی کمارسوامی حکومت کے حق میں ہی ووٹ ڈالیں گے ۔ یہ ...

مخلوط حکومت کی بقا کا سسپنس برقرار آج بھی اسمبلی میں تحریک اعتماد پر ووٹنگ کا امکان،باغیوں کو واپس لانے کیلئے سدارامیا کو وزیر اعلیٰ بنانے کی پیش کش

ریاست میں کانگریس جے ڈی ایس مخلوط حکومت کوبچانے کے لئے اتحادی جماعتوں کے قائدین کی کوششوں کا سلسلہ جاری ہے تو دوسری طرف اپوزیشن بی جے پی اس کوشش میں ہے کہ کسی طرح پیر کے روزتحریک اعتماد پر اسمبلی میں ووٹنگ ہو جائے لیکن خدشات ظاہر کئے جارہے ہیں

یوپی اسمبلی: پرینکا گاندھی کو سون بھدر جانے سے روکنے اور حراست پر زَبردست ہنگامہ

ریاستی حکومت کے ذریعہ کانگریس جنرل سکریٹری پرینکا گاندھی واڈرا کو سون بھد رجانے سے روکنے، انہیں 27 سے زیادہ گھنٹوں تک حراست میں رکھنے و ریاست میں ایس پی حامیوں کے ہوئے رہے قتل پر یو پی اسمبلی میں کانگریس و ایس پی اراکین نے جم کر ہنگامہ کیا۔

مودی حکومت نے لوک سبھا میں ’آر ٹی آئی‘ ختم کرنے والا بل پیش کیا: کانگریس

  کانگریس نے الزام لگایا ہے کہ ’کم از کم گورنمنٹ اور زیادہ سے زیادہ گورننس‘ کی بات کرنے والی مرکزی حکومت لوگوں کے اطلاعات کے حق کے تحت حاصل حقوق کو چھین رہی ہے اور اس قانون کو ختم کرنے کی کوشش کررہی ہے۔