ریاض (سعودی عربیہ) 29؍مارچ (ایس او نیوز) ریاض میں موجود کرکٹ شائقین کے لئے پہلی بار منگلورو پریمیئر لیگ (ایم پی ایل) کا شاندار انعقاد30مارچ کو ہونے جارہا ہے۔جس کا اہتمام منگلورو کرکٹ ایسوسی ایشن کے تحت ہوگا۔اس کرکٹ ٹورنامنٹ کی آرگنائزنگ کمیٹی کے اراکین اشرف پٹّے،نوشاد موٹّے دھڑکا اورشمسو بیلور ہیں۔
موصولہ اخباری بیان کے مطابق کُل ۶ ٹیمیں اس ٹورنامنٹ میں حصہ لیں گی اور ہر میچ پندرہ اوور کا ہوگا جو T15کہلائے گا۔30مارچ بروز جمعہ 2.30بجے ریاض کے ایم سی اے گراونڈ ایکزٹ 18پر شروع ہونے والے اس ٹورنامنٹ کا فائنل میچ11اپریل کو ہوگا۔جو ۶ ٹیمیں اس ٹورنامنٹ میں حصہ لیں گی ان کے نام اس طرح ہیں:۱۔اسٹار واریئرس منگلورو،۲۔ یعقوب فائٹرس، ۳۔سنے سافٹ سی سی، ۴۔کوسٹل کرناٹکا، ۵۔مائٹی منگلورینس، ۶۔مینگلور ینجرس
منتظمین نے بتایا ہے کہ اس ٹورنامنٹ میں صرف ہندوستانی کھلاڑی حصہ لیں گے اور بہترین پرفارمنس دینے والے کھلاڑیوں کو دلکش انعامات سے نوازا جائے گا۔