منگلورو 3؍اکتوبر (ایس او نیوز)منگلورو پولیس کمشنریٹ  نے مسروقہ’ مال واپسی پریڈ‘ منعقد کرتے ہوئے چوری کیے گئے موٹربائکس، نقدی، زیورات اور دیگر سامان ان کے اصل مالکان کے حوالے کیا۔

 پولیس کمشنر وکاش کمارنےمسروقہ مال واپسی پروگرام کے تعلق سے بتایا  کہ سال 2020-2019 میں مختلف پولیس اسٹیشنوں کے حدود میں  جملہ 9.05کروڑ روپے مالیت کی اشیاء چوری ہوگئی تھیں۔ اس میں سے   5.37کروڑ روپے مالیت کا مال بر آمد کیا گیا تھا۔آج منعقدہ مال واپسی پروگرام عدالت سے اجازت لینے کے بعد منعقد کیا گیا ۔ اس میں 1.49 کروڑ روپے مالیت کی مسروقہ اشیاء  ان کے اصل مالکان کو لوٹائی گئیں۔جس  میں 2.277کلو گرام وزنی سونے کے زیورات،25 دو پہیہ گاڑیاں، 19موبائل فون، 11دوسری چیزیں اور نقد 48,13,951 روپے شامل ہیں۔