منگلور 27 اکتوبر(ایس او نیوز) چھ ماہ قبل ہی فوت ہونے والے  ایک شخص کو کووڈ ویکسین کے دوسرے ڈوس کی سرٹی فیکیٹ موصول ہوئی ہے، اس بات کی اطلاع  اُس کے بیٹے نے دی ۔ واقعہ  مینگلور کے قریبی تعلقہ  بنٹوال  میں پیش آئی ہے۔

ذرائع سے ملی اطلاع کے مطابق 24 مارچ کو کووڈ ویکسین کا پہلا ڈوس لینے کے بعد 72 سالہ حسینار     کی ایک سرجری کے بعد27 اپریل کو موت واقع ہوگئی تھی، حسینار کے فرزند صادق نے بتایا کہ  والد کے   انتقال کے قریب  چھ ماہ بعد یعنی 14 اکتوبر کو  موبائل پر مسیج موصول ہوا  کہ ان کے والد حسینار نے ویکسین کے دونوں ڈوس  لے لئے ہیں ، اسی طرح موبائل میں پی ڈی ایف فورمیٹ میں دونوں ڈوس حاصل کرنے کی سرٹی فیکٹ بھی موصول ہوئی ہے۔

اخبار نویسوں کو سرٹی فیکیٹ دکھاتے ہوئے صادق نے سوال کیا کہ  والد کی موت کے بعد ایسا کیسے ممکن ہے کہ  سکینڈڈ وس دئے جانے کی سرٹی فیکٹ     دی جاتی ہے۔ صادق کا کہنا ہے کہ کچھ ماہ قبل اُنہیں  قریبی اسپتال سے فون کال بھی موصول ہوا تھا  جس میں مجھے کہا گیا تھا کہ سکینڈ ڈوس لینے کے لئے میں اپنے والد کو  ساتھ لے کر آوں، میں نے اُنہیں بتایا تھا کہ میرے والد کا انتقال ہوچکا ہے، اس کے باوجود  سکینڈڈوس  کے بغیر ہی سرٹی فیکیٹ موصول ہوئی ہے۔

واقعے پر تبصرہ کرتے ہوئے مینگلور کے ڈسٹرکٹ  ہیلتھ آفسر  ڈاکٹر کشور کمار نے بتایا کہ  کووین ایپ میں معلومات درج کرنے کے دوران   کچھ غلطی ہوئی ہوگی، جس کی وجہ سے  ایسا ہونا ممکن ہے۔ انہوں نے بتایا کہ کووین ایپ میں ویکسی نیشن  کے تعلق سے  ایک موبائل نمبر پر پانچ لوگوں کے نام  اور تفصیلات درج کرنے کی اجازت ہوتی ہے، اُس میں تفصیلات درج کرنے میں غلطی ہونے  سے ایسا  ہونا ممکن ہے۔ ڈی ایچ او نے یہ بھی بتایا کہ   اُنہیں  لوگوں کی طرف سے ایسی شکایات بھی موصول ہوئی ہیں کہ  کئی لوگوں کو  ویکسی نیشن کا سکینڈ ڈوس لینے کے بعد بھی اسپتالوں  سے فون کالس موصول ہوئے ہیں کہ وہ سکینڈ ڈوس لینے کے لئے اسپتال آئیں۔