کاروار سے بھٹکل ہوتے ہوئے مینگلور کے لئے نئی والوو بس سروس کی آج سے شروعات
بھٹکل 20 مارچ (ایس او نیوز) کاروار سے مینگلور اور مینگلور سے کاروار کے لئے نئی والوو بس سروس کا آج سنیچر سے آغاز ہوگیا۔ یہ بس صبح 6:45 بجے کاروار سے نکلے گی اور بھٹکل میں 9:30 بجے پہنچے گی، دو، تین منٹ رک کر یہ بس مینگلور کے لئے روانہ ہوگی اور 11:45 بجے مینگلور پہنچ جائے گی۔
یہی بس مینگلور سے شام 4:30 بجے اسٹیٹ بینک بس اسٹاپ سے نکلے گی، لال باغ ہوتے ہوئے اُڈپی اور کنداپور سے گذر کر شام 7:00 بجے بھٹکل پہنچے گی اور یہاں سے ہوناور، کمٹہ اور انکولہ ہوتے ہوئے رات 9:15 بجے کاروار پہنچے گی۔
اس سے قبل کمٹہ سے مینگلور کے لئے بھی ایک والوو بس سروس شروع کی جاچکی ہے جو کمٹہ سے صبح 5:30 بجے نکلتی ہے اور صبح سات بجے بھٹکل پہنچتی ہے۔ یہاں پر دو تین منٹ رُک کر یہ بس مینگلور کے لئے روانہ ہوتی ہے۔
یاد رہے کہ کورونا وباء پھیلنے کے بعد جس طرح بہت ساری بس خدمات معطل کی گئی تھی، بھٹکل سے مینگلور کے لئے والوو بس سروس بھی روک دی گئی تھی۔ اب کمٹہ اور کاروار سے مینگلور کے لئے نئی بس سروس کی شروعات کے بعد بھٹکل کے عوام بھی ان خدمات سے فائدہ اُٹھاسکیں گے۔