کماراسوامی کے بجٹ میں سدرامیا کی طرف سے پیش کردہ بجٹ کے تمام منصوبہ جات کو جاری رکھا گیا ہے؛ مینگلور میں وزیر یوٹی قادر کا بیان

Source: S.O. News Service | By Abu Aisha | Published on 5th July 2018, 8:53 PM | ساحلی خبریں | ریاستی خبریں |

منگلورو:5/ جولائی (ایس او نیوز) کرناٹک کے وزیر اعلیٰ کمار سوامی کی طرف سے ودھان سبھا میں پیش کئے گئے بجٹ میں سابق وزیر اعلیٰ سدرامیا کی طرف سے فروری میں پیش کردہ بجٹ کے تمام منصوبہ جات کو جاری رکھا گیا ہے، آج کے بجٹ میں اضافی منصوبہ جات کا اعلان کیا گیا ہے۔ ان خیالات کااظہار ریاستی کابینہ شہری ترقیاتی اور رہائشی وزیر یوٹی قادر نے کیا۔

مینگلور میں اخبارنویسوں سے گفتگو کرتے ہوئے وزیر یوٹی قادر  نے کہاکہ وزیر اعلیٰ کمار سوامی نے ریاستی  معیشت کو دھیان میں رکھتے ہوئے کسانوں کے قرضہ معافی کے  منصوبے کو جاری کرتے ہوئے مضبوط قدم اٹھایا ہے۔ یوٹی قادر نے کہاکہ کسانوں کے 2لاکھ روپیوں کا قرضہ معاف کرنا ایک تاریخی قدم ہے۔ حاملہ عورتوں کو ماہانہ 1000روپئے کا وظیفہ دینے والے ’’ماتو شری ‘‘منصوبہ، بزرگوں اور عمر رسیدہ افراد کے سندھیا سرکشھا کا ماہانہ وظیفہ 600  روپیوں میں اضافہ کرتے ہوئے  1000روپئے طئے کرنا، عرضی دیتے ہی فوری معذوروں کے گھروں کی تعمیر، غریبوں کو کڈنی ، لیور، دل جیسے اعضاء کے آپریشن کے لئے 30کروڑ روپئے مختص کرنے کے علاوہ سماجی پروگرامات مظلوم طبقات کی ترقی کے لئے معاون ہونے کا خیال ظاہر کیا۔

بجٹ پر اپنا خیال ظاہر کرتے ہوئے وزیر نے کہاکہ بے روزگاروں کے لئے پرانے موبائیل کے اشیاء کی فیکٹری کا قیام ایک امید کی کرن ہے ، سرکاری اسکولوں کی عمارات کی مرمت و درستی کے لئے 150کروڑ روپئے کی امداد، مہانگر پالیکا حدود میں زائد منزلہ سواری کامپلکس جیسے منصوبے عوامی بہتری کے منصوبے ہیں انہی منصوبہ جات سے ریاست کی بھی ترقی ہوگی۔

یوٹی قادر نے بتایا کہ گذشتہ بجٹ میں دکشن کنڑا ضلع کی بنیادی سہولیا ت پر زور دیاگیا تھا، ساحلی علاقہ کے مقامات پر بوٹ ہاؤس ، تیرنے والے ریسٹورنٹ، قریب 85کروڑ روپیوں کی لاگت سے اعلیٰ ترین سکیورٹی انتظام والے جیل ، پچمی واہنی منصوبے کے تحت نیتراوتی ندی سے  پینے کے پانی اور آب  پاشی کی سہولیات مہیا کرنے منگلورو کے ہیریکل اور اڈیار کے درمیان قریب 174کروڑروپیوں کی لاگت سے ڈیم تعمیر کئے جانے کا اعلان کیا گیا تھا، ان منصوبہ جات کو بالکل ہوبہو جاری رکھا گیا ہے۔

پسماندہ ذات اور طبقات ، ایس ٹی ، ایس سی اور اقلیتوں کے لئے گذشتہ بجٹ میں پیش کئے گئے تمام منصوبے بھی  جوں کے توں جاری رہیں گے البتہ متعلقہ منصوبہ جات کے لئے وزیر اعلیٰ کمار سوامی سے زائد امداد کا مطالبہ کیا جائے گا۔یوٹی قادر نے خیال ظاہر کیا کہ  وزیر اعلیٰ نے  بہت ہی خیر خواہی کا رویہ اپنایا ہے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔